E raqa’nsaxik kajil e ajchajil tinamit kuk’ e ajchajil pache’ are rech uya’ik uq’ij kichak patan ri’

88

 

Eri xchomataj pa le chomanem ri’ are chi rij raq’anisaxik kajil ri wokajil ajchajil tinamit ri’ jeri’ chi ke ri ajchajinelab’ rech ri Sistema Penitenciario, rumal ri’ eri Ministro rech Gobernación, Enrique Antonio Degenhart Asturias, xuya’ loq ub’ixik che pa le uch’ob’ik ucholchak pa le utaqanik ri’, are wa’ tzijom chik jun chi ke uwach ri uk’u’x cholchak pa we junab’ ri’ aretaq xmajtaj uq’ijol uchak patan pa le taqawokajnem ri’.

“Eri kaqatzukuj ri’ are ri’ kachomaxik uloq’ixik kipatan rajchakib’ ri’, are wa’ chuwe in ri qas k’o nim upatan rech kak’utik pa jumul chik, rumal k’ut e pa uq’ijol uq’atanik ri taqawokaj pa amaq’ ri’ k’o xpaqab’isax che kajil ri’, are wa’ rech utz’eb’el ri kajil ri’”, xcha’ ri Ministro.

We ri’ q’atb’altzij kub’ij che utz ri’ kaq’ansax kajil pa 1200 pa 1500 chi pwaqil rech pa amaq’ ri’, chi ke konojel ri PNC xuquje’ chi ke ri SP, are wa’ kab’anik rech kaya’ uq’ijol ronojel kichak patan kakib’an pa le ya’olchajinik winaqilal ri’.

Xub’ij chik eri kajil rech tojb’al kaq’ansaxik are wa’ qaraj k’o chik pa le ik’ rech junio ri’, are wa’ taqanik xuya’ chi ke ri q’atb’altzij rech ri Viceministerio Administrativo, pa komonb’al kuk’ ri k’amal b’e rech ri wokajil ajchajil tinamit xuquje’ rech ri Wokajil Japache’ rech katoq’ax unimarik wari’.

K’a pa keb’ wuqq’ij ri’ k’o chik jun cholchak rech uchomaxik ri’

Eri b’anow taq chomanem ri’ are rech k’o ya’olchajinik pa le uq’ijol cha’onem pa amaq’ che ri petinaq ri’ xcha’ ri Ministro rumal ri’ k’o jun wujilal rech retal che ri kak’ut wi’ qaraj k’o b’anow k’ax kak’ulmataj wiri’, xuquje’ are chi’ xtaq wi’ ya’olchajinik rech q’atel k’ax ri’.
Xuquje’ ya’om chik pa saqil ub’anik ri ya’olchajinik rech q’atel k’ax ri’ kuk’ konojel ri eqa’lenel rech ri PNC pa le q’ijol rech ri cha’onem ri’.

Rumal ri’ eri K’amal b’e rech ri Registro Nacional kech Winaqib’ (RENAP), jeri’ rumal ri’ taqawokajnel rech ri ya’olchajinik pa amaq’ ri’ xub’ij k’ut che xk’is ub’anik ri nab’e uwach etab’anem chi ke ri e ajcho’el ri’ xuquje’ we kamik are chik katajin uchomaxik ri jun chik uwach ri’, pa le cholajisam uchomaxik ri’ are k’o jun auditoría social kab’an ri’, rech kak’oji pa saq ri’, rech majun b’anow k’ax kak’ulmataj ri’ pa taq le q’ijol rech cha’onem ri’.