E reqa’lenel ri DISETUR e tijob’em chik rech kiraqik wa’katel winaq, xuquje’ rech nab’ejsab’al taq kikunaxik ri’

207

 

Chachomaj jub’ik katb’e kuk’ jun molaj awib’il pa jun ixkanul xuquje’ tane’ xaq k’a te’et kesax pa kib’inib’al chi’ xuquje’ kesach kanoq katukel chik kek’oji kanoq pa taq jumulaj che’ chi kij, kumaj kajab’nik xuquje’ ko’k raq’ab’ chi’?… Wari’ sib’alaj xib’al ib’ ruk’ b’isonem chi ke.

Are rech wari’ e reqa’lenel ri División rech Seguridad Turística (DISETUR) rech ri Wokajil Ajchajil Tinamit ri’ (PNC) k’a te kanoq xketa’maj jas kesaxik pa k’ax kakib’an chi ke ri e wa’katel winaq ri’ pane’ e aj chi’ pane’ naj kepe wi’ ke’opan pa taq le k’ache’laj ri’, ri sib’alaj k’ax kab’an wa’katem chupam ri’.

Rumal ri’ e k’o kajib’ e ajtijonel chi ke ri’ pa jun junab’ kumal ri e ajchajinelab’ rech Carabineros rech Chile e are wa’ xetijon kech rech kewa’kat pa taq le juyub’al ri’, rech kakiraqo le kakitzukuj, rumal ri’ k’o wujilal rech retal juyub’ tinamit ri’ are kakikoj pa le karaqik le kakitzukuj ri’, xuquje’ are wa’ rech kakiya’ utzijol chi ke ri molaj bomberiles xuquje’ chi ke e ajkunanel xuquje’ rech kakesaj b’ik pa k’ax wexa’ k’o jun winaq kusak rib’, rumal ri’ k’o brújulas kakikoj che katzukuxik, xuquje’ k’o che kakinutz’ q’aq’ pa uwi’ jun tak’alib’al xuquje’ k’o che kakikoj b’atería pa jun tzijob’al b’e ri’, are rech kakimaq’isaj jun winaq wexa’ kuna’ tew xuquje’ rech kakipaq’pitsaj kija’ rech kakikoj ri’.

Eri jun molaj rech e 15 reqa’lenel rech DISETUR ri’, xkitijoj kib’ rech xketa’maj b’anow taq kunanem pa aninaqil ri’ xketa’maj rech kakit’is kunab’al pa kalawal ri winaq ri’, xuquje’ rech k’o kakit’is che kaqan ri’, che kaq’ab’ xuquje’ che uq’alil kachaq ri’ are wa’ xketa’maj rech qas kena’w che ut’isik kunab’al chi ke ri winaq rech k’ot kakisaq chi ke ri’.