e waqxaqlajuj chi winaq xechapik kab’ixik rumal k’o b’anow elaq’ xkib’an pa Q’atb’altzij rech Chinautla

117

Eri Ministro rech Gobernación, Francisco Rivas Lara xtatb’en pa jun nimalaj ya’oltzijolinik pa le Ministerio Público (MP), chi’ k’u ri’ xya’taj wi ub’ixikche ri e k’o 18 chi winaqil xechapataj we kamik ri’ kab’ixik rumal jun nim b’anow elaq’ pa Q’atb’altzij rech Chinautla, are jun b’anow poq’san pwaq meb’il pa achalalil ri’.

Pa le b’anow q’atoj tzij ri’ che ri are jun xtatb’enik ri Fiscal General, Thelma Aldana xuquje’ ri Comisionado rech ri CICIG, Iván Velásquez xya’taj ub’ixik che ri b’anow tzukunik ri’ are xmajtaj loq pa le junab’ 2011 aretaq xub’an jun nim ximontzij chi rij ri’ pa q’atb’altzij rumal ri Intendencia rech Verificación Especial rech ri Superintendencia rech Bancos chi rij taq transacciones ri’ le kab’ixik maj pa usaqil ub’anikil k’o pa jun pwaqb’al ja ri’ xuquje’ pa taq nik’aj empresas constructoras ri k’o uwach ruk’ ri Q’atb’altzij rech ri Chinautla ri’.

Pa le ub’anikil are k’o uwach ri’: ri uwokik ri komonb’al pa Q’atb’altzij wokom uwach kumal rachalal ri jun xk’oji che ajkalte ri’ Arnoldo Medrano, ri ukojik jun taqon q’axal pwaq ri’, xuquje’ xwok kuwach taq empresas rech xya’ wi pa chakuxik ri chak rech q’atb’altzij ri’ xuquje’ ri upoq’saxik ri pwaq meb’il pa le empresas che xukoj pa uwokajil rumal ri Medrano ri’  – Osorio.

Are b’anow k’ax ri’ xtzukux uwach pa taq le 2008 – 2012, pa taq le q’ij ri’ are xk’oji chi’ che ajkalte ri Arnoldo Medrano ri’ are xwok uwach jun komonb’al rech q’atb’altzij ri’ ruk’ kitatb’enik ri rachalal rachalal ri rixoqil ri’ ub’i’ María Lusa Osorio Vásquez are Consejal ri’, pa le juchb’alil ri jun Fideicomiso FIDEICHINAUTLA, xuquje’ are chi’ xkoj jun molaj chi empresas rech xkichap wujb’alil rech b’anow uchak patan ri q’atb’altzij ri’.

Pa le uwokajil ajb’anol chak ri’ k’o k’i uwach taq wujb’alil rech chak patan ri maj pa usaqil xkib’an ri’ ruk’ ri Q’atb’altzij rech Chinautla, chi’ k’u ri’ eri Ajkalte kuk’ ri molaj rachib’il xkitun kuwach rech xkiya’o pa kiq’ab’ nik’aj b’anol k’ax ri’ ri b’anow chak patan ri’, chi rij wari’ k’o wuqub’ chi wujb’alil b’anow chak ri’ eri rajil ri’ are pa Q25 millones ri’.

Eri pwaq xkipoq’saj ri’ are xtaq pa taq le empresas che ri xkoj rumal ri molaj b’anow k’ax Medrano-Osorio ri’ rech xkikoj ri pwaq chupam ri’ are k’o chik pa jun ik’ ri’, chi’ k’u ri’ eri pwaqilem ri’ xaq’an pa Q36 millones 960 mil, ri ukiy are xok pa uq’ab’ ri rixoqil, ri uk’ojol xuquje’ ri ralib’ ri jun ajkalte ojer kanoq ri’. Eri pwaq che ri xkik’am ri’ are xkijach chi kuwach pa taq nik’aj chik compañías rech ruk’ ri’ xkichupisaj ri retal ub’e xuk’am ri pwaq ri’ rech xkeleq’aj ri’.

Jeri’ eri uwach ri b’anow tzukunik ri’ kumal ri Ministerio rech Gobernación, ri Wokajil Ajchajil tinamit xuquje’ ri Ministerio Público are wa’ xub’an upatan rech we kamik xb’antaj kowinem xechapataj e 25 chi winaq b’anol k’ax chi ke ri’ pa taq le b’anow tzukunik xb’an chi ke ri’ rech ruk’ wa’ xnimaxik ri 23 taqom kichapik ri’, ri k’o 18 xb’an ri’ xuquje’ xsik’ixik pa jun q’atow tzij ri a Edgar Arnoldo Medrano Méndez, ri k’o chik pache’ rumal nik’aj chik b’anow k’ax rumal ri’, jeri’ xuya’ ub’ixik ri Ministro Rivas.

Eri xechapatajik rumal ri b’anow itzel chomanik ri’, rumal b’anow elaq’nik pa nimawokajil ri’, rumal poq’san pwaq meb’ilem maj pa usaqil ri’. Xuquje’ rumal ri’ xtaqik kesaxik ri utob’ab’al k’o chi rij ri jun Diputado Gustavo Arnoldo Medrano Osorio ri’ rumal are jun pa le b’anow itzel elaq’nik ri’, pa le poq’san pwaqil meb’il maj pa usaqil ri’.

Eri waqxaqlajuj winaq xechapatajik kab’ixik are ri’: al María Luisa Osorio Vásquez, a Edgar Alfredo Medrano Osorio, a José Lizandro Mendizábal Monroy, a Max Alfonso Muralles Ache, a David Antonio Pérez Muralles,a  William David Colindres Pérez, a Josué Alexander Colindres Pérez, a Cristian Adolfo Pérez Guerra, a Héctor Adolfo Aguirre Vásquez,a  Milton Alexander Aguirre Vásquez, a Esaú Alonzo Cajero Bautista, a Samuel Escalante Vásquez,a  Brígido César Equité Guamuch, a Milton Amory Pérez Guerra, a Oscar Noé Cajero Bautista, a  Manuel Escalante Vásquez, a Alfredo Estuardo Morataya Paz, a Alba Lissette Fabián Barrera xuquje’ al Silvia Lorena Escobar Ariza.

COMPARTIR