E wuqub’ b’anol k’ax rech ri mara 18 xechapataj pa keb’ b’anow tzukunik ri’

132

Are wa’ uwach jun chak rech b’anow tzukunik chi rij b’anow k’ax kamisanik ri’, kumal eqa’lenelab’ rech ri Subdirección General rech ri Investigación Criminal (PNC-SGIC) kuk’ ri ajq’atol tzij rech ri Ministerio Público, rech xkib’an keb’ b’anow tzukunik pa Villa Hermosa I, zona 7 rech San Miguel Petapa, chi’ k’u ri’ xkichap wi e waqib’ chi achijab’ ruk’ jun ixoq ri’, kab’ixik e uwinaq ri mara 18.

Eri nab’e b’anow tzukunik xb’an chi ke ri’ are xetzukux pa le achochib’al k’o pa le 16 calle xuquje’ 33 avenida, Sector 3, Villa Hermosa I, zona 7 rech San Miguel Petapa, chi’ k’u ri’ xchap wi ri Oscar Rumualdo Guevara Ocampo, 19 ujunab’ ruk’ jun ala 16 ujunab’, kab’ixik are uwinaq ri jun molaj b’anol k’ax ub’i’ Little Psyco Criminal rech ri mara 18, ruk’ ri are xraq wiri’ jun k’aqb’al rech 9 milímetros, ruk’ jun reqalib’al q’aq’ ri’ xuquje’ ruk’ kajlajuj chi ub’aq’ kaqb’al ri’ xuquje’ ruk’ jo’ob’ raqarik k’aqb’alil ri’.

Jeri’ k’o keb’ kejach’ich’ xraqataj ri’, ruk’ jun uplaca ri ch’ich’ kab’inisaxik are taretal ri’ M-970DKC, saqpwaq rij kaka’yik, q’ej rij xuquje’ ri ruk’ jun kejach’ich’ q’eq rij man k’ot uplaca rech taretal kab’inisaxik.

Eri jun chik b’anow tzukunik chi kij ri’ rumal q’atb’altzij, are xb’an pa le Lote 34 “A”, Manzana “K”, Sector 6 rech Villa Hermosa I, zona 7 rech San Miguel Petapa, kumal ri e ajno’jinelab’ rech ri PNC rech xkichap ri jo’ob’ winaq che ri kab’ixik xechapik rumal k’o toq’inik pwaq xkib’an ri’ xuquje’ kab’ixik e uwinaq ri jun molaj b’anol k’ax ub’i’ Latyn Family de la mara 18, e are wa’ xch’ob’otaj kuwach ri’:

1) a Cristián Brandon Marroquín, 18 ujunab’.
2) a Esteban Josué García Valle, 20 ujunab’.
3) a Mario Ernesto Hernández Ceiba, 32 ujunab’, are taqom uchapik rumal k’o toq’inik pwaq xub’an ri’.
4) a Geovany Castillo Cabrera, alias “El Jorge”, 26 ujunab’, are taqom uchapik rumal k’o toq’inik pwaq xub’an ri’.
5) al Rosa Estela Zetino Valeriano, alias “La China”, 41 ujunab’, ri xraqataj umak kuk’ ri PNC kab’ixik k’o toq’inik pwaq xub’an chi ke winaq ri’, k’a pa enero rech ri junab’ 2015.

Eri e are ri’ pa le ja kiwam ri’ keb’ k’aqb’alil e are kib’anom, ruk’ ub’aq’ maj uch’ob’ik ub’anik ri’, ruk’ jo’ob’ chips rech taq ch’a’wb’alil xuquje’ ruk’ lajuj ch’a’wb’alil rech e eqa’m ri’.

COMPARTIR