Pa viernes 3 rech marzo rech 2017 k’o utzijil kel kanoq pa we utzijolil amaq’ tinamit ri’ rumal k’ut pa we kamik q’ij are chi’ qast man k’ot k’i b’anow k’ax xb’antaj ri’ pa we amaq’ ri’, rumal k’ut k’o keb’ b’anow kamisan winaq xb’antajik, je ri’ utzijolil xya’taj rumal ri Wokajil Ajchajil Tinamit ri’ (PNC).

Pa we q’ij ri’ sib’alaj kaya’ ub’ixik che are ukab’ viernes ri’ che ri maj b’anow kak’ulmataj pa le juyub’ nimatinamit Iximulew ri’, xuquje’ xub’an we kamik junam ruk’ ri jun viernes pa 24 rech febrero kanoq.

Eri keb’ b’anow k’ax kamisanik xb’antaj pa viernes ri’ pa taq le juyub’ tinamit rech Santa Rosa xuquje’ Retalhuleu,  je ri’ utzijol xya’taj ub’ixik ri’.

Eri xk’ulmataj pa taq le keb’ q’ij ri’ ruk’ pa le junam q’ij rech 2016 k’o q’atataj pa waqxaqib’ chi ke ri’, xa’rumal eri ya’tal ub’ixik ri’ che k’o lajuj chi b’anow kamisanik xk’ulmataj pa we q’ij kanoq ri’.

K’a aretaq xumaj loq uchak patsn ri Francisco Manuel Rivas Lara che Ministro rech Gobernación xuquje’ xya’taj ub’ixik che k’o nik’aj chik che ri b’anow k’ax ri’ q’ajinaq pa rajilab’al ri’.  Eri 28 rech junio, je ri’ pa le 21 xuquje’ pa le 22 rech noviembre rech 2016, xuquje’ ya’om ub’ixik che k’o q’ij majun winaq kamisan tane’ pa le juyub’ nimatinamit rech Iximulew ri’. Xuquje’ pa le 14 rech diciembre, majun ta winaq xkamisax taj pa taq le 21 tinamit pa we amaq’ ri’.

Eri Rivas Lara xuya’ ub’ixik che k’o k’i q’ij r’ “ronojel ri uwach taq ya’olchajinik ri’, kojom pa le ya’b’al joremal, tob’anik xuquje’ pa  kub’sib’al k’u’x ri’ pa le ya’ik utzilem chi ke konojel taq ri winaq pa tinamit Iximulew ri’”.

Xuquje’ k’o jun nim poq’sab’al k’aqb’al ri’ xraqatajik ruk’ junlajuj chi k’aqb’alil ri’, ruk’ e 62 chi winaq xechapatajik ri’ (15 pa nimatinamit ri’ xuquje’ 47 chik pa taq nik’aj chik tinamit ri’).

Ruk’ wa’ eri Ministerio rech Gobernación xuquje’ ri PNC xkikub’isaj uwach ri ya’olchajinik pa we amaq’ ri’ xuquje’ chi ke ri winaq tinamit ri’.

COMPARTIR