“Eri chak ajchajin tinamit, are sib’alaj k’ax pa ub’antajil ri’ pane’ b’a’ jeri’ k’o nima’q ki’kotemal tajin kuya’o ri’

243

 

Eri K’amal b’e k’o kamik rech ri Tijob’al Centroamericana rech Ketijoxik Tz’i’, Feremka Taibeed Godínez Alfaro, le chakuninaq jo’lajuj junab’ pa le Wokajil Ajchajil Tinamit xuquje’ ri k’o k’i reqa’len ok’owinaq wi, rech te k’u ri’ chik xok pa le Unidad Antinarcótica, chi’ k’ut ri’ k’o waqib’ katajin che chak chi’, ri are nan xuquje’ ajchajinel pa ub’antajil ri’, ronojel q’ij utijom k’ax ri’, emu wari’ uya’om nim ki’kotemal chi ke le e ajchak chi’ rumal keta’am xa’rumal k’o pa le ya’olchajinik chi ke ri winaqil tinamit e aj iximulew ri’.

¿Janipa’ junab’ at k’o chik pa chak pa le Ministerio rech Gobernación?

K’o chik 15 juanb’ kintajin che chak pa le wokajil ajchajil tinamit ri’ xuquje’ eri nuchak are xinmaj loq che eqa’lenel chajinik pa le Unidad rech Atención chi ke Víctima, te k’u ri’ xinok che ri oficial III pa jun uk’olib’alil ri Comisaría 14, xuquje’ xink’oji che ajchak pa le Núcleo rech Reserva, xuquje’ xinchakunik pa le Tribunal Disciplinario xuquje’ xink’oji che Taqanel Rajawtzij rech K’aqb’alil pa le Dirección General rech Apoyo xuquje’ rech Logística, rech te k’u ri’ xinmaj nuchak ruk’ le Unidad Antinarcótica ri’.

¿Jas ab’anom che rumal at nan at k’o pa le achak ri’?

Juntir ri keb’ nunimam uwach ri’ rumal in nan xuquje’ in ixoq ajchajinel ri’ are wari’ nub’anom ruk’ nimtijob’al chuq’ab’ ri’ rech e nuto’om ri wachalal ri’, nukojom nuchuq’ab’ ri’, nub’anom kow che wib’ xuquje’ che nuno’jib’al ri’, xuquje’ nuya’om ronojel ilonem tob’anik che ri wal ali, xa’rumal kintajin pa chak qast in k’ojinaq ta ruk’ ri’.

¿Jachike tijob’a chuq’ab’ ab’anom pa le chak patan rech ya’olchajinik katraqataj wi?

Eri jun che ri tijob’al chuq’ab’ k’o chi nuwach ri’ are nuya’om wib’ pa k’ax nuk’aslemal rumal kanimaxik ri winaq tinamit ri’ xuquje’ rumal kinloq’oj pa wanima’ ri Nutinamit Iximulew ri’, xuquje’ weta’m in xaq k’a te’et kinkamik man k’ot chik unan ri’ ri wal ali kakanaj ri’, pane’ jeri’ ronojel wanimaq’ kintajin che chak patan ri’ pa le Unidad Antinarcótica rech ri PNC ri’.

¿Jas chi tzijolil kawaj katzijoj chaqe chi rij ri achak ab’anom pa le Wokajil ri’?

Eri jun chik ri’ are ri’ pa le nab’e q’ij rech xeb’e resaxik ri Amapola ri’, k’i jastaq chakub’al nuweqam b’ik pa k’ache’laj ri’ pa taq le juyub’ tinamit rech San Marcos, rumal ri’ sib’alaj qas xinq’i’taj ri’ xuquje’ k’ax xintijo xinb’e ri’, chi’ xinweta’maj ri’ che k’i ta chik ri jastaq kinweqaj b’ik aretaq kojb’e pa b’enam ri’.

¿Jas ub’anik jun q’ij chak pa ak’aslemal ri’?

Are kinmaj jun q’ij chak ri’ kinmaltyoxij rumal jun q’ij chak chik k’o chi nuwach ri’, te k’u ri’ kinmajo rilik ronojel ri nucholchak ri’, jeri’ kinwil ronojel nuchak patan ri’ xuquje’ rech kik’am kib’e ri molaj wachib’il ri’, are kojuya’o ta kan are ri kosinem pa juntir rumal ri k’i taq qataqkil kab’an ri’, emu wari’ are kab’ano ruk’ ronojel qanima’ qachoq’ab’ ri’.

¿Jas ri kakichomaj ri awachalal che ri achak patan ri’?

Eri wachalal in sib’alaj kinkito’o ri’ xuquje’ kow kakina’o kakilo xinok pa le wokajil chajin tinamit ri’, xa’rumal kakilo che man kinxe’j ta wib’ xinok ri’ xuquje’ rumal eri wokajil chak patan ri’ sib’alaj kinoloq’oj ri’ xuquje’ nuya’om nutzij rech keninimaj ri winaq tinamit pa juntir ri’.

¿Jas che loq’ tzij kaya’ panoq chi ke konojel ri ixoqib’ e nan kechakun pa le Mingob xuquje’ pa taq ronojel uq’ab’il ri’ pa le rok’owisaxik kanimaq’ij ri’?

Chakina’o nim kiq’ij pa kik’aslemal ri’ xuquje’ che utz kib’anom pa le wokajil chajin tinamit ri’ xuquje’ chakikojo b’a’ kichuq’ab’ rech utz ke’lik pa we wokajil ri’, kinna’taj chi ke che ri uj uj qas utak’alib’al we wokajil ri’, rumal ri’ chitampe’ b’a’ rech kinya’o panoq nim rutzil uwach ki’kotemal ruk’ ronojel wanima’ pa le jun q’ij rech inimaq’ij le ixoqib’ e nan ri’.

COMPARTIR