Eri eqa’lenelab’ rech Fuerzas Especiales xkik’is katijoxik kub’ pa Estados Unidos

218

Eri eqa’lenelab’ rech ri Fuerzas Especiales rech ri Wokajil Ajchajil Tinamit (PNC), xkik’is katijoxik kib’ pa le condado rech Miami Dade, Estados Unidos, are wa’ xa’rumal ri komonchomanik rech tob’anem xya’taj chi kuwach ri Nimatinamit Iximulew xuquje’ ri Amaq’ Nimatinamit estadounidense, jeri’ xuya’ ub’ixik ri Ministro rech Gobernación, Francisco Rivas Lara, ri kopan chi’ ruk’ ri Nimak’amal b’e Jimmy Morales rech ketatb’en pa le loq’ kojb’al tzij ri’.

Eri Rivas Lara, xuya’ ub’ixik che kerechb’ej na ri jamalil ya’talil rech kub’an pa komonchak ri ya’olchajinik kuk’ ri uk’exel taq k’amal b’e rech El Salvador xuquje’ Honduras, rech keya’ ri wokajil ajchajil tinamit pa le kichak kipatan xuquje’ rech kakib’an jun utzalaj b’anow chakunem ri’ pa le kiq’atexik ri nik’aj molaj b’anol taq k’ax kamisanik ri’ pa taq le keb’ nimatinamit ri’.

“Are wa’ jun nim uwach chakunem ri b’anow k’uttijonem ri’ che ri ya’om chi ke ri q’atb’altzij rech ajchajin tinamit rech Estados Unidos, chi’ k’u ri’ e k’o e 5 mil chi eqa’lenelab’ kesam ri tijob’en ib’ ri’, e k’o rech ri Fuerzas Especiales, rech ri Investigación Criminal, rech ya’tal chi ke ki’okem pa le kik’olib’em ri winaqilal xuquje’ ri cholchak rech ya’olchajinik taq alaj kejach’ich’ ri’”, xcha’ ri Rivas Lara.

Xuquje’ e are jun ri eqa’lenelab’ rech ri Fuerzas Reactivas rech Honduras xkik’is uwach ri tijob’enik ri’ xuquje’ chi’ ktatb’enik ri nima k’amal b’e rech ri amaq’ nimatinamit la’.

COMPARTIR