Eri Wokajil rech Ya’olchajinik katerenb’em ujachik ri Kib’ixikil rech kichak kib’anom pa we Junab’ ri’ chuwach ri DIGESSP

348

Xa’ pa keb’ oxib’ chik kajb’al karaj na kak’isik ri q’ij ya’talil chi ke ri wokajil rech ya’olchajinik kakijach k’ut ri kib’ixikil rech kichak kib’anom pa we juanb’ ri’ chuwach ri K’amow b’e rech ri Taqawokajil rech Ya’olchajinik Tojom (DIGESSP), eri nan k’amal ub’e América Estrada Flores xuya’ ub’ixik che k’o 140 uwujil rech ub’ixikil chak b’anom ri’ kumal e 174 chi wokajilal ri’, rumal ri’ qaraj e k’o chik pa jun 85% chi ke ri wokajil rech ya’olchajinik kijachom chik kib’ixikil ri’.

“Kuwaj in kinlinya’ utzijoxik chiwe che ronojel ri jun sik’ib’al xb’an chi ke ri wokajil rech ya’olchajinik ri’, kijachom chik pa konojel pa le uq’ijol ri xta chi ke, nab’e k’ut xepetik rech xaqasolij ri kib’ixikil ri’”, xcha’ ri Estrada.

Eri K’amal b’e ri’ xuya’ ub’ixik che kakik’am na ri ub’ixikil ri’ k’a panik’aj aq’ab’ rech chaq’ab’ ri’ are rech b’a’ pa konojelil kakinimaj b’a’ ruk’ jun taqanem chi ke ri’ rech kakijacho le tam chi ke.

Ronojel taq tzijol ri’

Eri nan K’amal b’e ri’ xuya’ ub’ixik ucholajil we kamik ri’ pa konojelil e ajchajinelab’ e tojom ri’ are ri’ xya’taj loq ub’ixik kumal taq ri wokajil rech ya’olchajinik ri’, pa konojel k’ut are 49 mil 599 ri’ chike wari’ xa’ e 13 mil 593 e k’o pa saqil xekoj ri’.

Rumal ri’ le empresario rech Ya’olchajinik 2614, Noel de Paz xub’ij k’ut che xjach taj ri ub’ixikil rumal rech ri uchak patan xub’an ri’ pa le junab’ 2016, xuquje’ sib’alaj xuya’ ub’ixik che pa taq le junab’ ok’owinaq ri’ man je ta ri’ b’anom che uk’amik ri wujilal ri’, eri utzalaj ub’ixik chi rij are sib’alaj utz xuquje’ are kub’an utz che ri kichak kipatan ri ajchak rech ri DIGESSP ri’.

“Are wa’ kinwilo jun nimalaj kojb’al chuq’ab’ ri kuwa’lijsaj unimaxik che we jun taq’alb’anik ri’ taqom unimaxik rumal le taqanem chi rij ri’ pa le Decreto 52-2010, pa oxib’ mil uj petinaq ri’ xuquje’ xujtzalix loq rumal k’o retab’al b’anow xya’ ub’ixik chaqe rech xaqasuk’umaj ri’ emu wa’ pa k’isb’al rech ri’ xujkowin che unimaxik uwach ri’”, xcha’ ri De Paz.

COMPARTIR