Eri Wokajilal rech Ya’olchajinik Tojom e toq’im rech kakijach ri ub’ixikil kichak kib’anom pa junab’ kanoq

291

Eri K’amow b’e pa Uwokajil ri Chak patan rech Ya’olchajinik Tojom DIGESSP katajin che uk’amik ri Ub’ixikil rech Chak patan b’anom pa le junab’ kanoq kumal ri Wokajilal rech Ya’olchajinik Tojom pa we amaq’, are wa’ kak’is reyexik pa le 11 rech enero ri’.

Eri América Estrada, Directora rech DIGGESP kub’ij che konojel taq ri wokajil e ajya’el ri chajinik tojom, e toq’italik rech kakijacho ri jun ub’ixikil rech kichak kib’anom pa le junab’ kanoq pa taq le nab’e waqxaqib’ q’ij pa we junab’ ri’, are wa’ kataqan wi’ ri artículo 30 rech ri Taqanem ri’ le kaq’atan chi rij ri ya’olchajinik tojom ri’.

We kamik ri’ e k’o 36 chi wokajil kijachom chik kib’ixikil rech kichak patan kib’anom ri’ xuquje’ keyexik le maja’ na e opaninaq che ujachik wari’, xa’rumal k’’ut eri man ke’opan ta che ujachik wari’ kataq le q’atb’altzij chi kij ri’ rech kaq’at chi kij kakitojo le 20 tojb’al chak ri’.

Are rech b’a’ ya’talil jun utzalaj ilonem chi ke ri e ajchoq’e le wokajil ri’ xk’oj k’ut jujun taq jachakunb’al rech kechomax wi kumal le ajchak e tijom che kichomaxik ri’, e are k’ut le e nab’e kakisolij uwach ri taq ub’ixikil chak b’anom ri’ xuquje’ rech kakiya’ upixb’axik chi riij ri’ rech chinaq man kunimaj taj ri tajin katajin wi ri taqanik ri’, rech kekowin k’ut kakitz’aqatisaj ujachik juntir ri’.

Rumal k’ut we jun ub’ixikil k’o pa uwachwuj pa kemamtzij ri’ k’o 22 b’anow chakub’al rech xuquje’ k’o jun resab’al uwach taq k’i wujilal xuquje’ ruk’ k’olib’al wujil, ri xb’an ri’ pa taq le ik’ rech septiembre xuquje’ diciembre rech ri junab’ kanoq, k’o ri’ k’i uwach taq k’uttijonem xya’ chi ke rajchak ri Empresas rech Seguridad, jeri’ ub’ixik xub’an ri David Argueta, K’amal b’e rech Informática rech ri DIGESSP.

Eri Estrada xub’ij, we jun b’anikil jachb’al rech ri’ are kab’an pa taq le nab’e waqxaqib’ q’ij rech pa junab’ ri’, rumal ri’ xnimarisax ri b’anow ilonik ri’ pa juntir jun q’ij ri’ k’a pa le wuqub’ kajb’al rech saqarib’al k’a pa taq le wuqub’ kajb’al rech ko’kiq’ab’ ri’ xuquje’ jeri’ pa taq sábado 7 xuquje’ pa domingo 8 rech pa we junab’ ri’.

Rumal ri’ xya’taj le q’ij ri’ rech jachb’al rech ri Ub’ixikil rech ri jun Junab’ ri’ are wari’ kak’is uq’ijol pa miércoles 11 kak’is uchakuxik ri k’a pa le kab’lajuj kajb’al ri’ man k’ot uwi q’ij kaya’ik.

“K’o jun sik’ib’al kab’an chi ke konojel ri e ajchoq’e ri wokajil ri’ rech ke’opan pa le DIGESSP rech kakijacho ri kib’ixikilal xa’rumal man ya’tal ta chuwe in in K’amal b’e rech juntir ri’ rech kinya’ uwi q’ij tane’ jacha’ ri kub’ij pa le ub’anikil taqanik ri’2, xcha’ ri Estrada.

Pa we amaq’ ri’ k’o jun uk’olib’alil rech kitzijol ri 174 chi wokajil ri’, k’o 110 chi ke ri k’o kiwujil rech pa jikomal kechakunik ruk’ utaqanib’al ri Acuerdo Ministerial xuquje’ Gubernativo che ri jachb’al rech ri b’ixikilal ri’ are jun taq’alb’anik taqom chi ke konojel ri wokajil rech ya’olchajinik tojom ri’, xa’rumal e k’o pa uq’ab’ q’atb’altzij rech kilik le chak kib’anom pa we amaq’ ri’, xcha’ ri Estrada.

Eri Juan José Guzmán rech Protección Centro Americana, ri are kub’ij che we jun b’anow ub’anikil ri’ are sib’alaj utz ri’ xa’rumal are kuya’o kiwujilal ri nik’aj Empresas pa saqil ri’ xuquje’ aretaq kakijacho ri kib’ixikil rech jun junab’ kichak kib’anom ri’ ya’talil ri’ chi ke nik’aj chik ub’anikil kakib’ano, rech kakitanab’o uwach ri ya’olchakunik ri’ wexa’ man katz’aq ujachik ri e toq’im chi ke ri’.

COMPARTIR