pa le Tzukunem Ya’olchajinik #GuateAreQech xchapataj ri Dark jun kamisanel kech e 40 winaq ri’

431

Pa le ukab’ q’ij rech ri ya’olchajinem tzukunik #GuateEsNuestra  chupam k’ut e k’iyalaj taq eqa’lenelab’ rech ri Wokajil Ajchajil Tinamit (PNC) ruk’ ajq’atol tzij rech ri Ministerio Público (MP), pa komonb’al ri’ k’o k’iyalaj taq tzukunik xkib’an pa k’i taq wokja rech pa Nimatinamit Iximulew ri’ xuquje’ jeri’ pa juntir we amaq’ ri’ xuquje’ pa le sector “A” rech ri colonia la Esperanza zona 12 rech Villa Nueva, chi’ k’ut xchapataj wi a Carlos Alfonso Gaitán de la Cruz, alias “El Dark” k’amal b’e taqanel kech ri clica Solo para locos rech ri  Barrio 18, kab’ixik e k’o 40 chi winaq e ukamisam ri’. Are wa’ le nim chapem xb’antajik pa le uq’atexik ri b’anol k’ax toq’inik pwaq ri’, xcha’ ri Subdirector rech Operaciones rech ri PNC, Stu Velasco.

Are xuya’ ub’ixik che ri jun b’anol k’ax ub’i’ “Dark” karaqataj chik pa le Centro de Mando xuquje’ uq’ab’ q’atb’altzij pa le Club’ rech Oficiales rech ri PNC, rech kaq’at tzij chi rij ri’.

Eri jun Dark ri’ xraj xranij rib’ pa jun siwan k’o panoq chi rij taq ri achochib’alil k’o chi la’ pa le colonia La Esperanza, man xkowin ta k’ut rumal xchapataj kumal ri eqa’lenelab’ rech ri Comando Antisecuestro.

Eri subdirector rech operación ri’, xub’ij che ri jun Dark ri’ are winaq achi’ aj iximulew ri k’o uwach kuk’ panoq ri nik’aj pandilleros centroamericanos.

Rumal k’u ri’ eri Velasco xub’ij “eri kaqaj uj are rech man k’ot chi k’ax kakib’an tane’ chi ke ri winaq e achalalil e suk’ e ajchak pa taq kik’aslemal ri’, rumal ri’ uj k’o che rilik ri ya’olchajinik joremal pa aninaqil chi ke ri’ winaqil tinamit ri’, rumal ri’ sib’alaj kaqata chi ke rech chkib’ij loq wexa’ k’o ajb’anol k’ax toq’inel pwaq chi ke ri’”.

E kamik ri’ pa le CAJ ya’tal chik ub’ixik, che e k’o 27 achijab’ kuk’ e 20 ixoqib’ e chapom chik, kab’ixik e are tajin xkib’an kamisanik, toq’inik pwaq xuquje’ b’anow k’ax chi ke ch’ich’ erelwinaq.

Pa le CAJ ri’, keraqataj ri’ ri Ajq’atoj tzij rech ri Ministerio Publico, ri Procuraduría rech Derechos Humanos, ri Instituto rech ri Defensa Publica Penal xuquje’ ri q’atb’altzij rech ri Organismo Judicial ri’