Xjach kik’olib’al ajch’a’winelab’ pa Japache’ rech pa zona 18 chi ke e ajpache’ che k’o kitzij kato uwach ri’

185

Ruk’ wa’ are rech b’a’ kab’an utz che ri ub’anikil ri tzijob’enik xuquje’ ri kub’sib’al k’u’x chi ke e ajpache’ ri’ rech aretaq ketzijon kuk’ ri e ajtob’al kech ri’, rech aretaq k’o k’otowchi’aj kab’an chi ke ri’, rumal ri’ eri Cholb’al chak rech Ya’olchajinik xuquje’ rech ri Suk’umalil pa Iximulew ri’ (SEJUST), rech ri Unión Europea, xub’an ujachik ri’ kab’lajuj chi k’olib’al e ajch’a’winelab’ ri’, xcha’ ri viceministro rech Ya’olchajinik, Ricardo Guzmán.

Xuquje’ xuya’ ub’ixik che we ya’talil ri’ are kakojik kumal taq ri molaj e ajno’jchakunelab’, che ri kechakun ronojel uwach ri cholb’al chak rech suk’umalil chi ke ri e ajpache’ ri’ are rumal ri’ wexa’ eri jun ajq’atol tzij k’o jun wujil tane’ k’o kutaq ub’ixik chupam ri’ chi rij ri q’atoj tzij ri ucholajisam chupam ri’ ri solwachinik b’anow chomanik ri’.

“Pa uk’exel ri Ministerio rech Gobernación xuquje’ pa ub’i’ ri Tat Taqawokajnel ri’, sib’alaj xuya’ pa umaltyoxixik, xuquje’ xumaltyoxij che ri xta’ik rech katerenb’exik ri jun achb’ilanem ri’ xuquje’ rech kasolixik uwach rech kilik che ri kaya’taj ri’ are sib’alaj utz pa le ub’anik ri utzilem pa Iximulew ri’”, xcha’ ri Guzmán.

Pa le ilb’anem rech xk’utik xuquje’ rech xjachik ri’, eri Ilonb’al rech ri Cholb’al chak ri’ rech SEJUST, Rolando López Morán, xuya’ ub’ixik ucholajil ri’ che ri pwaqil rech tojb’al ri chak patan ri’ are kopan b’a’ pa keb’ millones cuatrocientos mil chi pwaqil rech pa amaq’ ri’, are wari’ kapetik rech kuya’o jun nimalaj utzilem che ri unimaxik ri ya’talil winaqil chi ke ri winaqilal che ri e tz’apil pa japache’ ri’.

Kupatanij ri’ utoq’axik uwach ri tzijob’en ib’ ri’

Eri Hugo Cardona, rech ri IDPP we nik’aj taq jamalil ri’ are kapetik kuya’o uchuq’ab’ xuquje’ rech man k’ax ta kachakuxik pa ronojel taq q’ij ri’ kumal ri’ e ajtob’anelab’ kech ri’, pa le rilik taq ri jujun taq q’atoj tzij kab’an chi kijujunal ri’.

“Nab’e kanoq sib’alaj k’ax ri’ ub’antajil ri jun chak patan ri’, rumal ri’ ruk’ we nik’aj k’olib’al rech ch’a’wb’alil ri’ are k’o kutoq’ij pa aninaqil ri’, xuquje’ rech sib’alaj utz ri b’anow tzijob’en ib’ kb’antaj chi kuwach ri ajtob’anel ruk’ ri ajpache’ kuto’ rij ri’”, xcha’ ri Cardona.

Xuya’ uchi’ kula’wchij uwach ri’

Eri Nicolás García, K’amal b’e rech ri Wokajil Japache’ ri’ SP, xumaltyoxij che ri chakunem ri’ xuquje’ ronojel taq ri tob’ab’al ya’om chi rij ri’ rumal ri Programa SEJUST, are rech b’a’ k’o utz ri kachakuxik pa taq ri japache’ tz’apib’al  e k’o pa we amaq’ ri’.

“Eri nupatanil in are wari’ eri jun chakunem ri’ pa amaq’el kachajixik kab’an utz chech ri’ xuquje’ rech k’o kupatanij ri’, rumal ri’ kayak na ri’. Are wari’ we kamik jun jamalil k’olib’em rech kixk’oji wi rech utz kib’an ichak ruk’ kub’sib’al k’u’x xuquje’ rech man k’ot k’ax kaqaj tane’ pa ub’e ri’” xcha’ ri K’amal b’e kech ri e ajtob’anelab’ ri’.

 

COMPARTIR