K’o nueve mil 800 metros pa ukajtzalil uwach ri’ xuquje’ k’o jun nab’e uxe’ uwach ri wokom ja che ri xjachataj ri’, rumal ri Embajador Todd Robinson, rech ri taqawokaj rech Estados Unidos, are ri’ xya’taj che ri Ministro rech Gobernación xuquje’ ri rech Defensa ri’, eri ja k’olib’al ri’ chi’ kak’oji wi ri Fuerza de Tarea Chortí.

Eri k’ak’ ja k’olib’al ri’ jun nim suk’ub’al ch’ich’ chupam, k’o rech taq jachakunb’al xuquje’ k’o rech uxulanib’al chi ke ri eqa’lenelab’ rech ri Wokajil Ajchajil Tinamit ri’, ri Wokajil Ajchajil Amaq’ rech Iximulew ri’ xuquje’ jacha’ ri rech ri Superintendencia rech Administración Tributaria (SAT), are kakoj wi nab’e, chuwach xuquje’ rech chik b’anow taq choman patanem ri’ xuquje’ rech b’anow taq ub’anikil chajinik ri’, jeri’ xuya’ ub’ixik ri Viceministro Antinarcóticos, Oscar Dávila Mejicanos.

Eri qas kupatanij ri ja k’olib’al ri’ are rech b’a’ keterenb’ex ri ya’olchajinik rech q’atenik b’anow k’ax, rech kiq’atexik b’anow k’ax ri’, rech kiq’atexik kichapik ri molaj b’anol taq k’ax  pa ronojel amaq’ tinamit ri’, pa taq le juyub’ tinamit rech Izabal, Zacapa, Chiquimula, El Progreso, Peten xuquje’ Alta Verapaz ri’.

“Ronojel wari’ are rech b’a’ kil rij ri tob’anem tajin kaya’ che ri Taqawokaj ri’ pa jun Ub’eyal Wokajil ri’ ruk’ ub’anikil taq chakunem xuquje’ ub’inisaxik uwach ri’, pa le nimanik chi ke ri winaq tinamit e aj iximulew ri’ pa le ya’olchajinik ri’, pa le kiq’atexik ri nuk’wokaj kamsanem ri’, pa le kiq’atexik ri molaj b’anol k’ax ri’ xuquje’ rech uya’ik tob’anem chi ke ri winaqilal ri’”, xcha’ ri Dávila Mejicanos.

Xumajtyoxij ri tob’anik xya’taj chi rij ri’

Aretaq xumaltyoxij ri tob’anem uya’om ri’ le Taqawokaj rech ri Estados Unidos xuquje’ rumal ri komon taqawokajil ri’, eri Ministro rech Gobernación, Francisco Rivas Lara xuya’ ub’ixik che we “jun sipanik tob’anik ri’ are kichak patan tob’anik xkiya’o pa le keb’ nimatinamit ri’ che ri xkimolkib’ rech xeq’atenik chi ke ri nuk’wokaj kamsanem che ri xaq xu’ wiri’ k’ax xkib’an pa taq le juyub’ taq’ajil ri’”.

“We kamik ri’ xk’amataj ri chakub’al ruk’ ri ja k’olib’al ri’ rech kechakun wiri’, rumal ri’ are wa’ xutoq’ij uwach ub’ixik chi ke che utz ukojik b’a’ kakib’an che xuquje’ kikojo’ b’a’ kichuq’ab’ ri’ xuquje’ rech kiya’ jun utzalaj ub’anikil chi rij ri’ ri qatinamit ri’”, xcha’ ri taqawokajnel rech Ya’olchajinik pa Amaq’ ri’.

Rumal ri’ eri Embajador Robinson xub’ij che ri “pa ub’i’ utinamit xujach pa uq’ab’ ri taqawokaj rech Iximulew ri’ le k’ak’ taq ja k’olib’al ri’ pa le jun ya’ow nimatob’anik ri’ che ri uchak patan ri Fuerza Chorti’ che ri katajin che uchakuxik ri’”.

Xub’ij chik eri sipanik ri’ are rech b’a’ keq’atexik ri b’anol taq k’ax pa taq le nimatinamit ri’ che ri tajin kikaj kakib’an k’ax chi’. Xuquje’ xrechb’ej rech xuki’kotirsaj ri nimtob’anik ri’ xya’tal che ri taqawokaj rech Iximulew ri’, rech Honduras xuquje’ El Salvador ri’ pa le ya’olchajinik cho taq k’ulb’a’t juyub’ amaq’il ri’.

Swiffy Output
COMPARTIR