Eri 1518 are retal b’iw ub’ixik loq PA AWALIK rech ri Taqawokajnem Ya’olchajinik ri’

311

Eri Ministerio rech Gobernación k’o kajib’ rajilab’al ri’ rech ch’a’wb’alil 1518 chupam ri’ eri winaq tinamit ya’tal chi ke rech wexa’ k’o kakiya’o loq ub’ixik ri chi ke taq ri q’atb’altzij ri’ chi rij taq b’anow k’ax itzelal pa taq tinamit ri’.

Eri 1518 are jun rajilab’al rech kaya’ loq ub’ixik pa awalik wexa’ k’o b’anow k’ax kab’an ri’, ruk’ wa’ konojel ri winaq e aj iximulew ya’tal chi ke rech kech’a’w loq chupam rech kakib’ij loq kitzijol ri molaj taq b’anol k’ax ri’ pa tinamit ri’.

Eri Aramiz Rivera rech ri Uk’u’x Jachakunb’al rech  Comunicación Interinstitucional -CECOIN- rech ri Ministerio rech Gobernación, ri kub’ij che are wa’ jun chakub’al sib’alaj utz rumal kakowinik kumol xuquje’ kuq’axaj tzijol chi ke taq ri q’atb’altzij rech katerenb’ex uchomaxik ri’.

“Eri ya’ol ub’ixik ri’ katerenb’ex ri’, we kamik eri b’iw loq ub’ixik kak’am uwach ri’ rch kaq’axaxik pa jun ub’ixikil pa CECOIN ri’, rumal are wa’ ri wokajil jachaknb’al rch kachoman chi rij rech te k’u ri’ kuq’axaj ub’ixik chi ke taq ri q’atb’altzij chi rij ri kak’ulmataj ri’”. xcha’ ri Rivera ri’.

Eri 1518 are jun ch’a’wb’alil pa awalik kak’am panoq ri ub’ixik taq tzijolil ri’, pa jun 100% sib’alaj kub’sib’al k’u’x, chupam k’u ri’ kaya’ wi loq utzijolil ri’ chi rij taq b’anow kamisanik, ub’anik k’ax chi ke winaq ri’, chi rij taq k’ayin awan jastaq, chi rij taq b’anow k’ax chi ke ali ixoqib’, chi rij wexa’ k’o winaq keleq’ax b’ik rech kab’an k’ax chi ke xuquje’ chi rij taq b’anow elaq’nik. Xuquje’ chi rij wexa’ k’o b’anow itzelal kuml ri e Ajchajil Tinamit ri’ xuquje’ kumal ri e Ajchajil Japache’.

Eri tzijol kaya’taj loq ub’ixik are k’o nimalaj upatan ri’ rumal ri’ are pa aninaqil kaq’axaxik pa kiq’ab’ ri Wokajil Sak’ajil Ajchajil Tinamit ri’ rech kamaj b’anow tzukunik chi rij ri’, rech k’u ri’ kecap ri winaq e b’anol k’ax ri’ xuquje’ rech keq’atexik ri molaj b’anol taq k’ax ri’.

Eri 1518 ya’om pa upatan chi ke ri winaq tinamit k’a pa 7 junab’ kanoq ri’, ri are k’ut xnimar uwach uchak pa le k’amow ub’ixik loq kitzijol keraqataj wi ri molaj b’anol k’ax ri’ pa taq le Korlim Ya’olchajinik pa Alta Verapaz xuquje’ ´Petén ri’ (2010 – 2011), are chi’ xchakux pa komonb’al ri’ ruk’ ri Superintendencia rech Telecomunicaciones -SIT-.

COMPARTIR