Eri Ajchajil taq K’ayib’al Jastaq k’o k’i taq winaq xekowin che kichapik ri’

100

Are k’ut rajawtzij rech kuya’o ya’olchajinik pa taq ri 104 chi k’ayib’alil, jeri’ chi ke ri e ajk’ay, chi ke ajloq’ow chi’ rumal ri’ eri Wokajil Ajchajil rech taq K’ayib’alil ri’ POLIMERC k’o k’i taq utzilem xub’an pa we junab’ ri’.

Eri ajilab’alil k’o kuk’ e ajchajil tinamit rech POLIMER ri’ xuya’ k’ut ub’ixik che e k’o 8 chi winaq keqam k’aqb’al xechapataj ri’, e k’o 13 xechapik rumal xkib’an ch’ayonik, e k’o 64 xechapik rumal kexib’inik katijom tzam ri’, e k’o 15 chik rumal b’anow elaq’, e k’o 101 rumal taqom kichapik, e k’o jo’ob’ chik rumal k’o ixoqib’ xkib’an k’ax chi ke, e k’o keb’ chik rumal toq’inik pwaq maj pa usaqil ri’, xuquje’ e k’o keb’ chik rumal xkeleq’aj ch’ich’ ri’.

Xuquje’ are wari’ ri ya’olchajinik xb’antaj kumal ri e ajchajil tinamit ri’ rumal ri’ e k’o kajib’ ch’ich’ xkiraq k’ut xuquje’ e k’o 64 winaq chik xkichapo rumal keqam k’aqb’al maj pa usaqil ri’.

Ronojel wari’ are xtaqix kichapik kumal e ajchajil tinamit ri’ rumal ri ya’olchajinik xkib’an pa taq k’ayib’al xuquje’ are wari’ xkub’isaj kik’u’x ri e ajk’ayib’ kuk’ ri e ajloq’ow ri’.

COMPARTIR