Eri ajchajil tinamit are awachi’l ke’utijoj ak’alab’ kuk’ e q’apojil rech q’atel b’anow k’ax ri’

236

Eri urayib’al ri’ are rech kuya’ kub’sib’al k’u’x xuquje’ rech b’anow chomanik kuk’ taq ak’alab’ xuquje’ ri e q’apojil che ri ketajin kakitijoj kib’ pa le Jachakub’an rech Tijob’al Ya’lna’oj rech q’atel k’ax rech ri Subdirección General rech Q’atel k’ax rech ri Wokajil Ajchajil Tinamit (SGPD-PNC) ri tajin kub’an chak tijonem ri’ pa taq 600 chi tijob’al ri’ pa we amaq’ tinamit ri cholchak ub’i’ Eri Ajchajil Tinamit Awachi’l, are tajin kub’ano tijonik chi ke ri e ajtijoxel pa le q’atel b’anow k’ax ri’, rech majun winaq kab’an chech ri’ jeri’ majun winaq kub’an chik k’ax ri’.

Eri Herson Martínez, k’amal b’e rech ri jachakunb’al rech k’utb’al b’e rech q’atel k’ax rech ri SGPD, xub’ij che k’o oxib’ uwach uk’u’x chakunem rech q’atel k’ax, 1. Pa le jun ri’ are Q’atel k’ax pa tinamit winaqilal, 2 pa jun chik ri’ are q’atel k’ax pa tijob’al 3. Pa le urox b’anikil ri’ are rech Ya’b’al uchuq’ab’ ri chak patan pa le wokajil rech ri PNC.

Eri Ajchajil Tinamit Awachi’l ri’ are jun uk’u’xal k’aslemal rech b’anow chak rumal ri PNC chi’ k’u ri’ kub’an wi’ jun chomanem ruk’ ri komon e ajtijoxel rech pa tijob’al ri’, rech pa komonb’al uq’atexik ri b’anow k’ax kab’an ri’ rech keto’ le winaq b’anom k’ax chi ke rech majun b’anow k’ax kumal, rech kab’an utzilem chi ke rech kesuk’umaxik ri e ajb’anol k’ax ri’, xcha’ ri Martínez.

“Pa le uk’exik wari’ xuquje’ k’o jun cholchak quk’ ub’i’ eri Ajchajil Tinamit are Awachi’l, eri cholchak ri’ are wokom uwach rech kachakux kuk’ ri taq ak’alab’ xuquje’ kuk’ ri e q’apojil rech kak’usus kachomab’al ri winaqilalri’, rech utz kakilo kechomanik kechakunik ruk’ ri PNC rech k’o utz taq eta’mab’al katzijox chi ke rech reta’maxik utz taq chomab’al ri’ chi rij taq uq’atexik b’anow k’ax ri’”, xcha’ ri k’amal b’e rech ri jachakunb’al rech k’amal b’e chomab’al rech q’atel k’ax.

Eri Ajchajil Tinamit are Awachi’l ri’, are kutzukuj uya’ik uchuq’ab’ k’utb’alil ajonem kib’ ri e q’apoj alab’om alitom ri’ ruk’ no’jk’alemal xuquje’ rech pixb’anik, uk’u’xal k’aslemal xuquje’ rech b’anow taq suk’ nimanik rech q’atel b’anow k’ax ri’.