Eri ajchajil tinamit xkitzukuj kejach’ich’, ch’ich’, pa le utzukuxik awan jastaq ruk’ katzukuxik winaq che ri taqom kichapik ri’

68

 

Eri ya’olchajinik ub’i’ Plan Tranquilidad are utaqim katzukuxik winaq, ch’ich’, kejach’ich’, taxis, ch’ich’ rech erelwinaq xuquje’ microbuses are rech kakisolij le winaq e b’enaq chupam taq ri’ xuquje’ rech kakik’ut kiwujilal ri pa aninaqil kil pa unuk’ub’al tzijol rech ri Wokajil Ajchajil Tinamit ri’ rech pa le katzukuxik winaq che ri taqom kichapik ri’ jeri’ pa le katzukuxik ri ch’ich’ rech kilik we e eleq’am taj  xcha’, ri Brenda López Fuentes, Oficial Tercero rech ri Wokajil Ajchajil Tinamit (PNC) ri’.

Xub’ij chik che ri chak kumal ri eqa’lenel rech ajchajil tinamit are rech kakiya’o kub’sib’al k’u’x chi ke ri winaq keb’in pa taq ch’ich’, keb’in che kaqan, xuquje’ rech kaq’alajinik ri ya’olchajinik winaqilal katajin kumal e ajchajil tinamit pa tinamit ri’.

“Are tajin kaqasolij karanch’ich’, kachasis xuquje’ kiwujilal kejach’ich’ xuquje’ ch’ich’ chi ke taq ri e ajb’inisal rech are rech kilik we k’o juntir pa saq ri’”, xcha’ ri Oficial rech ri PNC.

Eri López Fuentes, xub’ij chik che ri b’anow tzukunem ri’ pa le boulevard San Rafael pa le zona 18, are xb’an kumal e k’iyalaj taq e ajchajil tinamit ruk’ katob’anik ri wokajil ajchajil tiamit rech jalajoj taq subestaciones che ri kawokom uwach ri Estación 122 rech ri Colonia Alameda, rech ri Comisaría 12 ri’.

Xub’ij chik eri Plan Tranquilidad are xumaj le uchak ri’ pa le jo’ob’ kajb’al rech pa nimaq’ab’ xuquje’ are xuk’iso uwach pa le b’elejeb’ kajb’al rech aq’aninaq chik q’ij ri’, xuquje’ are wa’ kab’anik pa taq le oxib’ kajb’al rech qajib’al q’ij pa b’elejeb’ kajb’a rech chaq’ab’ pa taq le tinamit ri’, are wa’ pa le uch’ob’ik katzijol ri ch’ich’ kuk’ ri e ajb’inisal rech ri’.