Eri Urox Viceministerio rech Q’atel k’ax ri’ xujach k’ut jun wujil rech ri Ub’anikil Chomab’al taq Tinamit rech Q’atel b’anow k’ax ri’  2017 – 2027 eri ajkalte’ib’ kuk’ ri síndicos rech ri 29 uq’ab’tinamit ri’ kiya’om kitzij rech kakichakuj jun q’atenik b’anow k’ax pa taq kik’olib’alil ri’.

Pa le ilb’anik ri’ xtatb’en wi ri’ K’amal b’e Amaq’il, Jimmy Morales ruk’ ri Urxo Viceministro rech Gobernación, Axel Romero xuquje’ ri K’amal b’e rech ri Wokajil Ajchajil Tinamit ri’ (PNC); Nery Ramos Ramos; ri xkik’utu keki’kot ruk’ we jun nim chakunik ri’ rech pa jun uwokik uwach ri joremal pa we amaq’ ri’.

Eri Viceminsitro rech Q’atel k’ax Axel Romero, xub’ij che ri ub’anikil ujachik ri wujila rech chomab’al tinamit ri’ are katob’an ri’ che uwa’lisaxik ri nuk’wokaj winaqilal ri’ xuquje’ rech kab’an utz che ri uapatanixik we jun nuk’wokajil ri’.

“Uj kowoninaq k’ut che ub’anik pa tinamit rech kakub’ chik kik’u’x chaqij kinuk’wokaj kib’anikil kib’ ri winaqilal ri’ xuquje’ ri q’atenik b’anow k’ax ri’. rumal ri’ are jun junab’ ri’ le sib’alaj k’ax qatijom che b’anow chomanik kuk’ taq ri e ajkalte’ib’ ri’, pa ub’antajik kowinem che uchomaxik ri rajawaxik chi ke ri tinamit pa we jun b’anow chomanik tinamit ri’”, xcha’ ri Romero.

Eri K’amal b’e Amaq’il Jimmy Morales xub’ij che jun chi ke ri qas kakichomaj uwach pa le utaqawokaj pa amaq’ ri’ are ri ya’olchajinik ch ke ri winaqil e aj iximulew ri’ xuquje’ eri uk’u’x cholchak rech q’atel k’ax xuquje’ rech jun utzalaj k’amow ib’ pa taq tinamit rech kawok uwach jun no’jk’aslemal rech pa joremal ri’, are ri’ chomatal pa le taqawokaj pa amaq’ rech le Ruta País 2,032.

“pa le junb’ 2,032 keyexik eri amaq’ ri’ kaya’taj chupam utzalaj taq b’anow chakunik kuk’ jun nimatinamit utz uwach xuquje’ k’o uno’jtijob’enik ri’, rumal ri’ kojtain che unab’ejxik uchomanik q’atenik k’ax rech kusol rib’ we jun amaq’ pa le uq’ab’ ri b’anow k’ax ri’”, xcha’ ri Nima k’amal b’e amaq’ Morales.

Eri taqawokajnel xub’ij che katajin uwokik jun chomab’al tinamit k’a pa le uchakpatan ri’ Ministerio rech Gobernación ri’ rech kub’an uchakuxik jacha’ ri chomatal chik pa taq le wokajil rech pa amaq’ ri’ xuquje’ rech kapatanixik pa taq q’atb’altzij xuquje’ rech kuya’ utzalaj taq uwachinik ri’

Eri Ministerio rech Gobernación tajin che ukowinik uq’atexik ri b’anow taq k’ax k’a pa waqxaqib’ junab’ chik ri’, pa jujun taq q’ij ri’ sib’alaj k’ax utijom che rilik che uq’atexik b’anow k’ax ri’ we xaq xu’ wiri’ kil uq’atenik ri b’anow k’ax ri’.

Eri q’atel b’anow k’ax ri’ man aretaj q’atatel rech ri juntir b’anow k’ax ri’, are wari’ jun utz’aqatil rech chi’ k’u ri’ eri winaqilal kekowin che uq’atexik ri k’ax ri’ k’a pa taq achochib’alil, pa taq tijob’al xuquje’ pa taq komonb’al winaqilal ri’.

Eri K’amal b’e rech PNC, xub’ij che pa le ujachik ri jun wujib’al rech ri chomab’al tinamit ri’ xkiya’ kitzij rech uq’atexik we nik’aj k’axk’olil ri’ are rech b’a’ maj chik b’anow k’ax pa ronojel juyub’ tinamit ri’.

Pa le ilb’anik ri’ xetatb’en ri ajkalte’ib’: rech La Libertad, Chinab’jul; rech Atescatempa, Jutiapa; rech San Luis, Petén; rech Chimaltenango, Chimaltenango; rech San Jerónimo, Baja Verapaz; rech Villa Canales, Guatemala; rech Purulhá, Baja Verapaz, rech Santiago Atitlán, Sololá xuquje’ rech Chinautla, Guatemala.

COMPARTIR