Eri Ajpuqil Ajchajinelab’ pa Aninaqil rech ri PNC k’o tzukunem xkib’an pa taq le nimab’e rech okib’al pa Uk’u’x Nimatinamit ri’

115

 

Xaq pa nimaq’ab’ ri’ eri Wokajil Ajchajil Tinamit, pa le kichak patanil ri Grupo rech Reacción Inmediata Lobos GRILL k’o k’i uwach b’anow tzukunem xkib’an pa le ya’olchajinik che ri xkib’an pa taq le nimab’e rech uxo’l taq ja pa uk’u’x nimatinamit rech Iximulew ri’ xuquje’ pa taq le nimab’e rech okib’al loq pa nimataq’ajil juyub’, rech pa Atlántico loq xuquje’ pa Occidente loq jeri’ pa nimab’e kab’e pa Salvador, jeri utzijol xuya’ ri’ ri Pablo Castillo, ajtzijolinel rech ri wokajil ajchajil tinamit ri’.

Xuya’ chik ub’ixik che ri ya’olchajinik rech b’anow tzukunem ri’ are xmajtaj pa taq le b’elejeb’ kajb’alil rech saqarib’al are wa’ xkib’an pa taq le unimal ub’eyal taq nimab’e ri’ xuquje’ are wa’ xb’anik rech man kakiya’ ta latz’ chi ke ri kiwa’katib’al ri ch’ich’ ri’.

Pa taq le b’anow tzukunem ri’ k’o winaq, ch’ich’, ch’ich’ rech erelwinaq xuquje’ e ajb’inisaxel xetzukux ri’, are wa’ xb’antajik rech ya’olchajinik rech q’atel b’anow k’ax ri’ kumal ri kajib’ puqil e ajchajil tinamit ri’ che ri xetaq pa le kajib’ nimab’e rech okib’al chi’.

Eri Castillo xub’ij ri’ che we b’anow tzukunem ri’ kumal ri puqil ajchajil tinamit pa taq molajil kumal e waqib’ eqa’lenel GRILL  – Lobos ri’ are rech xtaqixik uya’ik uchuq’ab’ ri uk’u’x uwach b’anow Ya’olchajinik Winaqilal ri’ che ri xtaq ub’anik rumal ri Ministerio rech Gobernación ri’.