Eri ajtijoxel rech pa Uk’u’x Nimatinamit kecholb’in ri’ rumal ri joremal ri’

320

Eri alab’om alitom e ajtijoxel rech k’i taq tijob’al rech pa Uk’u’x Nimatinamit, xkiya’ reta’maxik che pa le jo’lajuj q’ij rech octubre kachob’in ri’ pa jun wa’katem pa uk’u’x nimatinamit ub’i’ “Cholb’inem rumal ri Joremal ri’”,  are rech kaya’ uchuq’ab’ ri k’amow ib’ chi kuwach ri e ajtijoxel rech taq tijob’al rech uq’atexik b’anow ch’oj chi kuwach pa nimatinamit ri’.

Eri wa’katem kamajtaj ri’ pa Gobernación rech Educación Departamental zona 2 rech kak’is pa le Uk’u’x Tijob’al ruk’ ub’anik Acto Cívico ri’.

Eri alab’om alitom e k’amal b’e ri’ xkiya’ ub’ixik che are kakib’an na jun chomanik kuk’ ri e ajtijoxel, rech b’a’ eri nan tat ri’ kakik’ex uwach kichomab’al che rilik taq le tijob’al rech ri zona 1.

Eri Juan Luis Ramos rech ri Instituto Central, eri k’ax ch’ojinik k’o chi kuwach ri e ajtijoxel rech nik’aj chik tijob’al ri’ are rumal kakimin itzelal chi ke ri k’ak’ e ajtijoxel rech kakib’an ch’ojinik chi rij taq etz’enb’alil ri’, jeri’ xkiya’ ub’ixik ri’ che xk’extaj uwach ri’.

“K’a pa keb’ oxib’ junab’ ri’ eri k’ax ch’ojinik ri’ are xa’rumal uk’ayixik awan kunb’alil ri’ xuquje’ rech ke’ok ruk’ taq pandillas ri’”, xcha’ ri Ramos.

Eri Ramos xkub’isaj ub’ixik che k’a pa le nab’e okem pa le Programa rech Escuelas Seguras, eri alab’om alitom latz’ kuwach che chak patan kuk’ ri eqa’lenelab’ rech ri PNC.

Eri Priscila Herrera, Taqanel rech ri Escuela Seguras rech ri PNC, eri b’anow chomanik kumal ri eqa’lenelab’ are utz ub’anom ri’ rumal ri’ we kamik sib’alaj k’o tijonem katajin chi ke kumal ri’ taqawokajil rech ya’olchajinik pa taq tinamit ri’.

“Eri kaqatim ri’ are rech kojok qachib’il qib’, rech kakub’ qak’u’x rech kaqab’ij ri qak’axk’olil chi ke ri’ rech kakichomaj kojkachomaj ri’”.

Eri utzijol ri’

Eri utzijol ri Subdirección General rech Q’atel b’anol k’ax, rech ri Wokajil Ajchajil Tinamit (PNC), pa 2009 eri ch’ojinik chi kuwach xopan pa 59 ri’ e pa 2017 maj b’anow ch’ojinik xk’ulmataj ri’.

COMPARTIR