Eri ajtijoxel xkiya’ reta’maxik ri cholchak rech Q’atel k’ax rumal ri PNC

395

Eri Viceministro rech Q’atel b’anow k’ax Axel Romero, ruk’ a David Hodge  Ministro Consejero pa Iximulew rech Estados Unidos xkib’an jun ki’opanik pa le Escuela Fe y Alegría 14  rajilab’al pa Mezquital zona 12 rech Villa Nueva chi’ k’u ri’ eri e ajtijoxel rech ri jun tijob’al ri’ chi’ xkiya’ wi reta’maxik ri chak kib’anom ruk’ kitob’anik ri q’atb’altzij ajchajil tinamit pa le q’atel b’anow k’ax ri’.

Pa le ch’ab’enik ri’ xetatb’enik ri k’amal b’e rech ri wokajil rech q’atel k’ax, José Antonio Tzuban, jeri’ ri Ajkalte rech Villa Nueva Edwin Escobar.

Eri cholchak are xkoj pa le jo’ob’ taq tijob’al rech Mezquital xuquje’ rech Villa Lobos 1 are ri’: Eri ajchajinel are jun chokonsab’al pa Tijob’al, Maj kikik kuk’ ri molaj b’anol k’ax ri’, ri Wokaj ajetz’anel Ajchajil Tinamit.

Eri Viceministro Romero, kub’ij eri cholchak che ri xk’am uq’ab’il kumal ri ak’alab’ xuquje’ kumal kinan tat rumal are wa’ kuya’o uchuq’ab’ ri Q’atel b’anow k’ax ri’.

“Chi’ kachakux wi kajib’ cholchak che ri k’o wi e 100 chi ajchajinel e ajno’jchakunel ri’ che ri ketzijonik kechomanik uk’ taq ak’alab’ ri’ xuquje’ alab’om alitom ri’, rech ya’talil kechoman kuk’ ri PNC ri’”, xcha’ ri Romero.

Eri Hodge, xub’ij che are wa’ sib’alaj utz ri chak che ri xkib’an ri eqa’lenel chajin tinamit ri’ pa taq le tijob’al ri’.

Eri e ajtijoxel kuk’ ri komon k’amal b’e kech nan tat ri’ sib’alaj xkimaltyoxij chi ke ri q’atb’altzij rech Gobernación, rech ri Wokajil Ajchajil Tinamit xuquje’ rech ri Embajada rech Estados Unidos rumal ri tob’anik ya’om chi ke ri taq ak’alab’ xuquje’ ri alab’om alitom che ri ke’opan pa taq le tijob’al ri’.

Eri wokajil che xetob’anik pa taq le cholchak rech q’atel k’ax ri’ are: ri Convivimos, Ri Mercy Corps, ri INL Guatemala, ri Wokajil Ajchajil Tinamit xuquje’ ri Ministerio rech Gobernación.

COMPARTIR