Eri ajtzijolinel pache’ are kakoj pa uk’exel jun rech ri Derechos Humanos ri’

196

Eri Wokajil Japache’ (SP) are karaj kuk’ex uwach rajtzijolinel pa jujun taq japache’ pa we amaq’ rech kakoj pa uk’exel jun rech Derechos Humanos, are wari’ rech k’o jun utzalaj chajinem chi’, rech k’o jun jikomanik chi’ xuquje’ rech kaya’ uchuq’ab’ ri ya’talil winaqil ri’, pa le q’atel k’ax ri’.

We jun ajtzijolinel ri’ are rech kataqan pa taq le japache’ ri’ rumal k’ut qast ma utz ri b’anom chi’ pa taq le junab’ ok’owinaq chik ri’, xcha’ ri Rudy Esquivel, ajtzijolinel rech ri Wokajil Japache’ ri’.

Rumal ri’ eri K’amal b’e rech ri SP, Juvell De León xukoj ilob’al chi rij ri’, k’o tzijol xuya’ pa utzijob’exik, k’o sak’ajil chajinem pa japache’ xukoj sib’alaj utz xuquje’ k’o utz chech ri’.

Rumal ri’ pa we junab’ ri’ kataq ri’ ukojik pa kisb’al rech jun Ajtzijolinel ri’, rech kasach uwach ri ma utz taj ri pa naj junab’ ri’ jeri’ xb’antaj ri’, eri jun k’ak’ ub’anik ri’ are xya’taj pa retal rumal man utz taj b’anom chi’ xuquje’ chi’ eri e ajpache’ k’o toq’in pwaq kib’an chi ke taq ri kachi’l ri’ ub’i’ “talacha”, xcha’ ri Esquivel.

Eri Ajtzijolinel rech Japache’ we kamik are ri’ kuya’ jun k’ak’ rachib’al pa juntir ub’antajil ri Wokajil Japache’ ri’ xuquje’ are tajin xcha’ ri’ k’a pa junab’ir kanoq.

Eri ajtzijolinelab’ ri’, rajawaxik ajb’anol k’ax taj
Are wari’ rech kakoj utzalaj taq b’anikil rech kekoj ajtzijolinel pa taq japache’ xuquje’ eri winaq kekoj ri’ sib’alaj rajawaxik e ajb’anol ta k’ax ri’, xuquje’ are rajawaxik jun winaq maj k’ax ub’anom, man umak ub’anom pa taq le uchak patan ri’.

“Pa k’isb’al rech are ketzukuxik ri winaq e tz’apil pache’ ri’ che ri kakaj ke’ok che Ajtzijolinel rech Derechos Humanos pa taq Japache’ rajawaxik ri’ kakib’an ri utzilem pa le uterenb’exik q’atel b’anow k’ax ri’ che ri ya’talil winaqil pache’ ri’ xuquje’ are rajawaxik k’o jun utz ranima’ ri’, ri kok’ow pa taq ilb’an rij ri’ we saq utzij me man saq ta utzij ri’ rech ka’ok che reqale’n ri’” xcha’ ri Escquivel.

Ruk’ wari’ are tajin katzukuxik rech man b’anow k’ax ch’ojinem ri’, rech b’anow ch’ojinik, rech maj b’anow k’ax che ri maj pa usaqil ri’, ruk’ nik’aj chik b’anow k’ax pache’, eri ajtzijolinel ri’ are kech’a’w pa kiwi’ kachib’il ri’ xuquje’ are k’o upatan kub’an ri’ we kakita rech uq’ajisaxik tojb’al kimak ri’, we jeri’ le taqanik kuya’ chi ke, xuquje’ we jeri’ ri q’atb’altzij kuya’ chi ke ya’tal b’a’ kakita’o we jun toq’ob’ chuwach jun q’atol tzij ri’.