Eri ajtzijoxel rech Cuilapa xetatb’en ruk’ ri Viceministro Romero

118

Eri Urox Viceministro Axel Romero xopan pa jun ch’ab’enik pa le Tinamit rech Cuilapa, Santa Rosa, rech xusolij ri chak patan katajin rumal ri Consejo Municipal rech q’atel b’anow k’ax ri’ (COMUPRE) rech ya’b’al utzilem chi ke ri winaq tinamit chi’.

Eri molinem ri’ are xchomax uwokik rumal ri Unidad rech Prevención Comunitaria rech Q’atenik b’anow k’ax ri’ (UPCV) xuquje’ rumal ri Subdirección rech Q’atel b’anow k’ax ri’ are wokaj rech ri Uwokajil Ajchajil Tinamit ri’, chi’ k’ut xetatb’en wi ri e ajtijoxel rech taq jalajoj tijob’al rech ri uq’ab’ tinamit ri’ che ri xecholb’inik pa le uta’ik rech kak’oji joremal ri’ xuquje’ rech xek’oji pa jun k’utwachil chi rij uk’utik rech Maj B’anow K’ax Ch’ojinik chi kuwach Achalalil ri’.

Eri Viceministro Romero sib’alaj xuya’ ub’ixik che k’o nim kupatanij ri b’anow chak patan kuk’ ri e ajtijoxel ri’ rech ri b’anow chomanik chi rij ri q’atel k’ax ri’ xuquje’ rech are wa’ rech kepixb’axik ri alab’om alitom ke’ok pa b’anow taq k’ax elaq’nik ri’.

“Are wa’ jun ub’anikil utatb’exik uwach chak patan ri’ jacha’ ri xqab’an kuk’ ri e ajtijoxel ri’, ri xkik’ut jun uwachixik ri q’atel b’anow k’ax ri’, ruk’ taq retz’b’axik b’iw ub’ixik taq tzij ri’”, xcha’ ri Romero.

Pa taq le xchomaxik ri’ xuquje’ chomam ri’ rech xb’an jun b’enam pa le Tijob’al Ak’alab’ rech Los Esclavos ri’ chi’ k’u ri’ xchomax wi xwokik jun cholchak rech kasuk’umaxik ri rachoch ri tijob’al ri’ rech kab’an utz loq’ che ri ketijox wi ri taq ak’alab’ taq ala taq ali ri’.

“Eri qas kaqaj uj eri taq ak’alab’ ri’ utz b’a’ ketijox wiri’, eri saqab’isan ib’ are kub’an utz chi ke ri’ xuquje’ jeri’ ri b’anow umesik chi kij panoq, we kak’oji rachoch tijob’al che kunam rij ri’ are rech kuya’o jun utzalaj ub’anikil kik’aslemal ri’ xuquje’ rech aretaq kenimarik rech b’a’ kakib’an utz taq winaq ri’ rech k’o kimeb’il kipwaqil ri’”, xcha’ ri Romero.

Eri kupatanij wa’ nik’aj b’anow tzijob’enik chomanik ri’ are rech kuwok jun komonb’alil kuk’ ri e ajtijoxel kuk’ ri kinan tat ri’ xuquje’ kuk’ ri e ajtijonel kech ri’ are rech b’a’ junam kakichap b’enam pa chak patan ri’, rech b’a’ eri ak’alab’ ri’ ke’ok ta pa b’anow k’ax ri’, rech maj tijow tza’ awan kunb’alil kumal ri’.

Eri uwach ub’anikil we cholchak ri’ are rech kakunaxik uwach jun uwoxan ri’ rech kakoj chuwach jun nimtzij ri’ “Eri Tijonem are jun kunab’al rech q’atel ri b’anol k’ax ri’”, chi’ k’ut xetatb’en wi ri e ajtijoxel rech ri tijob’al ri’ xuquje’ chi’ xkitz’ib’aj wi uwach ri e ajtijoxel rech ri 6to. Magisterio rech Instituto Nacional Experimental Intercultural ri’.

Eri Tijob’al kech Ak’alab’ Los Esclavos e k’o 266 chi e ajtijoxel e k’o pa nab’e uwach tijonem pa uwaq uwach tijonem ri’ le xkik’utu che ki’kotem chi ke xe’opan ri q’atb’altzij chi’ kuk’ pa le tijob’al kakitijoj wi kib’ xuquje’ a xkechb’ej rech xetatb’en che rilik ri cholchak rech q’atel b’anow k’ax ri’.

Pa le tinamit rech Cuilapa k’o jun nab’e uwach Komon Chomanel rech Q’atel b’anow k’ax ri’ pa le Juyub’ Nimatinamit rech Santa Rosa xuquje’ are katerenb’ex uchakuxik pa komon ruk’ taq ri Q’atb’altzij ri’ rech kewok kuwach taq komonb’alil ri’ xuquje’ are ketob’anik kuk’ taq komon winaqilal ri’.

COMPARTIR