Eri ajxik’anelab’ ri k’ax e ya’tajinaq ri’ e jun utz k’utb’al pa le xik’anem ri’ ub’i’ “Ajchajinelab’ ri’ rech Joremalil”

658

Pa le ukaj b’anow xik’anem ri’ ub’i’ “Ajchajinelab’ ri’ rech Joremalil”, are wa’ xb’antaj ri’ pa le rok’owsaxik ri Juwinaq Junab’ xutz’aqatisaj ri Wokajil Ajchajil Tinamit ri’ chi’ k’u ri’ xetatb’en wi ri pa tijow anim e k’iyalaj taq xik’anelab’ ri’ e k’o e ya’tajinaq chi ke ri’, eri jun chi ke are ri a Rudy Alberto Maldonado ri xkowinik xuxik’anej 13 kilómetros pa 38 minutos ri’, ri are xkowin xopan pa nab’e chi kuwach rachib’il ri’.

Eri Maldonado ri’ xub’ij che sib’alaj kumaltyoxij xuquje’ sib’alaj kaki’kot ranima’ rumal are jun xtatb’en pa le ukaj xikb’anem chi kuxo’l e ajchajil tinamit ri’, are wa’ qas utz xya’taj che are jun pa le xik’anem ri’.

“Kinusik’ij panoq ri alab’om alitom rech ketatb’en pa jun etz’anemb’al ri’ xuquje’ rech chakikojo ri kachomab’al pa utz chomanik ri’ xuquje’ kich’ob’o che man k’ot q’atatal che jun winaq ri’, ronojel k’ut ya’talil rumal ri Qajawixel Chikaj Winaqirsal qech ri’”, xcha’ ri Maldonado.

K’o nik’aj chik uwach ramaq’il ya’talil rech katatb’en jun ri’

Eri Jonathan Batres, are ukab’ ch’akonel pa le kib’antajil pa le xik’anem ri’, xuya’ ub’ixik ucholaj che k’o nim kupatanij kojtatb’en pa le xik’anem ri’ rumal are wa’ kuya’o qachuq’ab’ ri’.

“Pane’ b’a’ eri qachak ronojel q’ij sib’alaj tijob’al chuq’ab’ ri’ are wa’ kaqa’uxo’laj ruk’ ri xik’anem ri’”, xcha’ ri a Batres.

Pa le k’isb’al ub’anikil ri ukaj xik’anem ri’ ub’i’ “Ajchajinelab’ ri’ rech Joremalil”, e k’o nim taq ajch’akonelab’ chupam ri’ jacha’ ri a Rafael Aldana xuquje’ ruk’ a Horacio Gámez, e keb’ ri’ qas eta’mim kuwach ri’ pa le xik’anem ri’ sib’alaj xkikoj keb’ uwach kichuq’ab’ ri’ rech xekowinik xe’opan pa nab’e’il pa le opanb’alil ri’.

Eri e keb’ ri’ xkib’ij che sib’alaj kakimaltyoxij ri tob’anik xya’taj chi ke rumal ri Ministerio rech Gobernación ri’.

COMPARTIR