Eri Ak’alab’, ri Alab’om alitom tajin kakiya’o kib’ naj che b’anow k’ax ri’ pa Escuela Comunitaria rech ajchajin tinamit

390

Tajin kesik’inik, kexajawik, ketze’tzokik, ruk’ reta’maxik b’anow eta’manik xuquje’ b’anow etz’b’anem pa le aretaq xjaq uwch ri la Escuela Comunitaria Policial pa taq q’ij sábado pa taq le rachoch Nimatjob’al rech ri Wokajil Ajchajil Tinamit k’o pa zona 6 ri’.

Eri Tijob’al ri’ are uwokom uwach ri cholchak che ri xjaqataj rumal ri Tercer Viceministerio rech Q’atenik xuquje’ rumal ri Sub Dirección rech Q’atenik rech ri  PNC, ruk’ utaqixik kiyaik ri qak’alab’ xuquje’ ri alab’om alitom pa taq la rachoch ri e ajchajil tinamit xuquje’ rech uya’ik le ya’talil ub’anikil tijob’enik ri’ ruk’ ketz’b’exik rech keya’ naj chi ke ri ub’anikil b’anow k’ax ri’, xcha’ ri Ministro Francisco Rivas Lara.

Tajin kano’jb’exik che no’jk’aslemal ri taq ak’alab’ ri’

“Pa le ub’antajil we cholchak rech escuela comunitaria rech pa chomatalik kaya’ pa taq sábado rech keno’jb’exik che no’jk’aslemal rech ke’uwalijsaj ri ak’alab’ rech ketijob’ex che e loq’ winaq rech pa we amaq’ ri’”, xcha’ ri Ministro.

Pa le k’isb’al wuqq’ij ri’ pa le colonia El Mezquital, zona 12 xjaqataj jun b’anow tijob’al ib’ junam ri’ xuquje’ e k’o nik’aj banikil tijonem che ri kakoj pa taq le tinamit ri’ rech Iximulew ri’.

Kakowirsax kik’oji ri e ajchajinel ri’ pa komontaqom winaqil ri’

Rumal ri’ eri Viceministro rech Q’atel k’ax ri’ xub’ij “Eri Tat Taqawokajnel ri’ pa nimaq’ab’ we kamik xuya’ ub’ixik ri’ che are qaterenb’em rij ub’ixik ri’ rech kaqakoj jun ramajil che ri walijsam uwach awumal at xuquje’ eri kaqaj uj are rech eri k’isb’al taq wuqq’ij ri’ are jun ramajil kakojik chi ke e 75 nab’e taq ak’alab’ ri’ rech pa utzilem kek’oji pa le kichomaxik kumal ri PNC are rech kakib’an utz kuk’ taq ri komon winaqilal ri’”.

K’o na kikaj na e ajtijoxel chi’

Eri José Antonio Tzubán, sub Director rech Q’atenik rech ri PNC ri are xuya’ ub’ixik che eri kakichakuj ri’ kuk’ taq le ak’alab’ ri’ are ri etz’b’anik, ri keki’kotisaxik, ri eta’manik, rech reta’maxik b’anow jastaq rech pa kijunab’ r’, rech reta’maxik b’ixonem, rech k’amq’ojomb’al xuquje’ pitz’q’ojomb’al, rech k’utka’yb’al, rech ub’ixik tzijonem, rech b’ixonem.

Eri katz’ib’axik ri’ jaqatil na chi ke konojel taq ak’alab’ xuquje’ alab’om alitom che ri waqib’ pa jo’lajuj kajunab’ ri’ xuquje’ eri b’anow tijonem ri’ ar kanajtib’ oxib’ ik’ ri’ rech kak’is pa le keb’ q’ij rech septiembre ronojel rech ya’talil pa taq k’isb’al wuqq’ij xuquje’ aretq kamajtib’ pa le tijob’al rech pa uxulanib’al q’ij pa ronojel wari’, xcha’ ri Tzubán.

Uq’atexik kichomab’al xuquje’ rech ke’esax pa le b’anow k’ax ri’

Pa k’isb’al rech eri Elvira Cac xub’ij we ramajil ri’ are sib’alaj utz chi ke ri ak’alab’ ri’ rumal are rech kaketa’maj che ri k’ak’ ajchajil tinamit ri’ e k’o chik rech ketob’anik kakesaj pa le tijob’al awan kunb’alil ri’, rech man ke’ok ta kuk’ ri b’anol taq k’ax ri’.

“Sib’alaj utz ri kakib’an e ajchajil tinamit ri’ rumal k’ut are ke’esan kech pa kiq’ab’ ri molaj b’anol k’ax ri’ xuquje’ rech kakesaj ri ak’alab’ kuk’ ri alab’om alitom pa k’ax ri’”, xcha’ ri Cac, unan ri’ jun chi ke alaj alai ri k’ate waqxaqib’ ujunab’ ri’.

COMPARTIR