Eri amaq’ Iximulew k’o jun k’ak’ uno’jb’anikil chakub’al rech kukoj pa q’atow tzij ri’

205

Are kuterenb’ej ri q’atenik b’anow k’ax pa taq tinamit pa uwachulew, eri Amaq’ Iximulew k’o jun k’ak’ uno’jb’anikil chakub’al kukoj pa taq q’atow tzij ri’, jeri’ xuya’ ub’ixik ri Axel Romero viceministro rech Q’atel K’ax xuquje’ rumal ri k’amal b’e rech ri nimriqb’al ib’ ri’ rech Nuk’chomab’al kech Ministros rech Q’atb’altzij rech taq amaq’ib’ iberoamericanos, are wari xb’antaj pa le rachoch ri Cooperación Española pa Antigua Guatemala.

Eri riqb’al ib’ ri’ xuquje’ are xk’am ub’e rumal ri Arkel Benítez ajk’amal ub’e rech ri Nuk’chomab’al kech Kinistros rech taq amaq’ib’ iberoamericanos COMJIB, xuquje’ ri Ministros rech ri 21 tinamit ri’, che ri xkikoj ri 11 ch’ob’otal chak taqanik rech pa uq’atexik b’anow k’ax pa taq tinamit pa uwachulew ri’, ruk’ ri b’anow elaq’ kumal taq ak’alab’ xuquje’ rech uq’atexik ronojel taq b’anow k’ax ri’.

“Eri qas nim upatan ri’ are xa’ pa jun uwach utz’ib’axik xb’anik, kumal konojel taq ri tinamit che ri tajin kechoman chi rij uq’axb’alil pa kemamtzij ri’ pa tob’anik ruk’ ri q’atb’altzij ri’, chi’ pa iximulew k’o chik ri’ jun chol juchb’al chi rij taq wujilal che taqom rumal ri Organismo Judicial, ri Ministerio Público, ri Ministerio rech Gobernación xuquje’ rumal ri Cancillería”, xcha’ ri Romero.

 

We jun k’ak’ chakub’al ri’ are katob’anik chi ke ri tinamit pa le kiq’atexik ri b’anow k’ax pa taq tinamit pa uwachulew, ri b’anow elaq’ kumal ri ak’alab’, are wari kato’ uwach kumal ri q’atb’altzij ri’ rech kaya’taj pa saq katzijolil rech kachomax uq’atexik ri’.

Rumal ri’ eri Benítez xuya’ ub’ixik che we jun tijob’al chuq’ab’ chak ri’ are kumal konojel taq tinamit e k’o pa komonb’al chomanik ri’ “rumal k’ut eri jun chakub’al ri’, are katob’anik pa taq le utzijob’exik chi kuwach taq ri amaq’ib’ pa le ya’talil winaqil xuquje’ pa le uq’atexik keleq’axik taq ak’alab’ ri’”.

Choman chik che pa Iximulew ri’ kab’an wi ri Juwinaq waqib’ (XXVI) Nimriqb’al ib’ kumal ri Taqanelab’ rech taq Tinamit Iberoamérica, chi’ k’u ri’ eri q’atb’altzij kakijuch ri nuk’chomanik che ri kachomataj pa le uq’ijol ri Juwinaq waqib’ (XXVI) Nimriqb’al ib’ kumal ri Taqanelab’ rech taq Amaq’ib’ xuquje’ ri Taqawokaj ri’ rech kak’oji “jun Iberoamérica sib’alaj uyakom rib’ pa utukel ri’”.

We jun nimriqb’al ib’ chomanik ri’ are pa oxib’ kab’an pa taq le rachoch ri Cooperación Española, pa Antigua Guatemala.

 

 

COMPARTIR