Eri Amaq’ Iximulew tajin kutzukuj uq’atexik ri itzelb’anoj elaq’nik pa taqawokajil ruk’ ri CICIG na ri’

172

Eri ministro rech Gobernación, Francisco Rivas Lara, rachib’il le nima k’amal b’e rech Amaq’il, Jimmy Morales, xuquje’ ruk’ ri fiscal General rech ri Ministerio Público, Thelma Aldana; ri comisionado rech Nima Q’atb’altzij ub’i’ Cicig k’o chi’ pa Iximulew, Iván Velásquez; ri k’amal b’e rech ri Corte Suprema rech Q’atoj Tzij ri’ Ranulfo Rafael Rojas xuquje’ ri nan k’amal b’e rech ri Instituto rech ri Defensa Penal; Nydia Arévalo, ri xek’oji pa le molinem rech e Ajya’el Pwaqil Tob’anik ri’ pa le Naciones Unidas (ONU), pa le Nimatinamit rech Nueva York ri’.

Pa le riqb’al ib’ chomanem ri’ eri Morales xuta’o rech ri kak’oji na chi’ che q’atoj tzij ri Comisión Internacional rech Q’atenik itzelb’anik pa taq taqawokajil pa Iximulew CICIG ri’ xuquje’ xya’ ub’ixik chi’ juntir le chakum chik uwach pa ya’olchajinik ruk’ suk’umalil ri’.

Eri taqanel Morales ri’, xuya’ ub’ixik che katajin ub’anik utzilem pa we amaq’ ri’ rech kaq’atatajik ri itzelb’anik chi’. Rumal k’u ri’ xuta’o che kak’oji na cha upatan ri CICIG chi’.

Eri comisionado Iván Velásquez, xub’ij che are utz we ri taqawokaj amaq’ kukoj ri uchokonsa’n rech pa utukel utz ukojik ri q’atoj tzij kub’an chi’.

Xuquje’ eri Velásquez, xumaltyoxij che ri nima k’amal b’e Jimmy Morales, rumal xuta’o rech kak’oji na che uchak upatan ri CICIG chi’,  ri kuya’ pa retalil kuchakuj jun ucholchak k’a pa septiembre rech 2009 ri’.

Eri k’amal b’e rech ri Corte Suprema rech Suk’umalil ri’ (CSJ) Ranuldo Rafael Rojas, xub’ij che ri CICIG we kamik katajin che utzukuxik uwach 200 chi q’atanik ri q’atom chik 160 suk’umalil chi kij e ajpatanib’ ri’ kuk’ ri e k’ojinaq pa le patanem ri’.

Rumal ri’ eri nima k’amal b’e amaq’ kuk’ ri patanel rech ya’olchajinik kakiya’ pa k’utik ri’ chajinik b’anom chik pa le ya’talil winaqil ri’ pa le Asamble General rech ri Naciones Unidas ri’.

COMPARTIR