Eri b’anikil tijob’al rech pa uxulanem q’ij k’o utzilem xuya’ chi ke e oxq’o’ jo’lajk’al chi taq ak’alab’ xuquje’ q’apoj alab’om alitom ri’ | #GuatemalaCambia

90

Are wa’ taqim b’anow chomanik kuk’ taq ak’alab’ xuquje’ q’apoj alab’om alitom ri’ rech ke’ok ta kuk’ b’anol taq k’ax are wa’ jun loq’ uchak patan katajin che ub’anik ri Subdirector General rech Prevención rech Delito rech ri Policía Nacional Civil (SGDP-PNC) José Antonio Tzuban, xuya’ k’ut ub’ixik che e k’o oxq’o’ jo’lajk’al juk’al julajuj (1 mil 531) chi ak’alab’ xuquje’ e q’apoj alab’om alitom rech pa uk’u’x nimatinamit xuquje’ ri tinamit rech pa we amq’ xkik’is k’ut xkitijoj kib’ pa le Tijob’al Ajchajil Tinamit rech pa Uxulanem Q’ij ri’.

Eri taq ak’alab’ kuk’ e q’apoj alab’om alitom ri’, xketa’maj xek’asleman pa komonb’al chi rij taq b’anikil pa tinamit, jacha’ chi rij b’anow etz’anemb’al, tob’a ib’, b’anow muxunem, chi rij k’amq’ojomb’al ruk’ nik’aj chik q’ojomab’al ri’.

Eri Tzub’an k’amal b’e rech q’atel b’anow k’ax xuya’ ub’ixik che we chakunem ri’ are xb’antaj kumal e 154 eqa’lenel ajchajin tinamit ri’, e are ri’ xya’taj utzilem chi ke e 147 ri’j taq winaq ri’.

“Eri winaqib’ che ri xya’taj le utzilem chi ke ri’ k’o jun q’axb’al rajilab’al etab’anem xok’owisax chi ke ri’, are rech eri taq ala taq ali xuquje’ ri q’apoj alab’om alitom ma ke’ok ta kuk’ ri puq taq b’anol k’ax ri’, rumal ri’ eri chak xb’antaj kumal ri eqa’lenelab’ ri’ are sib’alaj tijow chuq’ab’ ri’ rech te k’u ri’ keto’ik rech utz kuwach pa kik’aslemalil kek’ir ri’”, xcha’ ri Tzuban.

Xuquje’ eri Tzuban xuya’ chik ub’ixik che pa konojel ri tijob’al rech pa uxulanem q’ij e 25 pa konojel ri’, chi’ k’ut xetatb’en wi pa konojel e 17 pa kimolajil rech ri PNC ri’.

COMPARTIR