Eri b’anow tzukunem Tornado katajin che kchapik uwinaq ri Mara Salvatrucha

215

Are rech taqom kchapik nik’aj b’anol k’ax xuquje’ rech kaya’ ub’ixik chi ke ri e ajpache’ chi rij b’anow ketajin che ub’anik ri’, ruma ri’ eri Wokajil Ajchajil Tinamit pa le uchak patan ri Subdirección General rech Investigación Criminal (PNC-SGIC) k’o 18 chi b’anow tzukunem katajin che ub’anik pa Villa Nueva xuquje’ pa Chimaltenango ruk’ ri Operación Tornado, chi’ k’u ri’ are rech kakichapo nik’aj b’anol k’ax kib’i’ Locos Centrales rech ri Mara Salvatrucha k’amatil kib’e rumal ri a Ángel Gabriel Reyes Marroquín, are eta’mim uwach kab’ix che ri jun “White”.

Rumal ri’ eri Pablo Castillo, ajtzijolinel xuya’ ub’ixik che pa jun b’anow tzukunem xetaqik e 24 e ajtzukno’jchakunelab’ kuk’ e 150 chi eqa’lenelab’  rech ajchajil tinamit rech jalajoj ruk’ 12 chi ch’ich’ rech chajin tinamit, ruk’ drones xuquje’ ruk’ chakub’al rech no’jb’anikilem ri’ xuquje’ e k’o k’i ajtzukunelab’ xetaq b’ik chi’ k’a pa taq keb’ oxib’ ik’ kanoq, e are xkitzukuj uwach ri’, rech xkiya’ pa uq’alajisaxik b’anow k’ax kumal nik’aj molaj winaq ri’, ruk’ ri MP xkitzukuj upam taq ja k’olib’al chi’ k’u ri’ k’o xkichapo wiri’.

K’o 18 chi b’anow tzukunem, k’o 17 e aj pa tinamit Chimaltenango xuquje’ k’o jun chik aj Villa Nueva xuquje’ katajin katzukuxik nik’aj chik che ri qaraj k’o jo’lajuj chi b’anow kamisan winaq kib’anom ri’.

Uwach ri b’anow tzukunem xb’antajik

Eri jun chi ke ri nab’e chi ke ri xechapik pa le Operación Tornado are ri’ a Reidin Joel Valenzuela Ortiz, alias “El Loco”, ri xchapik pa le 3ª avenida zona 5, colonia Enriqueta, Villa Nueva ri’.

Eri taqim uchapik xb’antaj kowinem xchapatajik ri jun achi ri’ che ri e k’o 7 chi winaqib’ xe’ukamisaj pa jun cevichería pa tinamit rech San Miguel el Tejar ri’.

Xuquje’ pa le pasaje 1-117 zona 2 rech Chimaltenango, k’o jo’ob’ chi ch’a’wb’alil xraqataj ri’ are wari xepisik.