Eri b’anow tzukunik kumal ajchajil tinamit ri’ e k’o molaj b’anol k’ax xe’uya’o pa real rech xechap ri’

179

Eri Wokajil Ajchajil Tinamit (PNC) pa le b’anow sak’ajil tzukunem ri’ are xub’an che ri wokajil ajchajil tinamit rech xkowin che kichapik ri nik’aj molaj b’anol k’ax che ri tajin xkib’an k’ax chi ke ri winaq tinamit e aj iximulew ri’.

Eri K’amal b’e rech ri PNC, Nery Ramos Ramos, xuya’ ub’ixik che we ya’olchajinik tzukunik ri’ are rech xechapataj nik’aj molaj b’anol k’ax ri’, rumal ri’ e k’i pa kiwokajil ri PNC ri’ xb’an k’ax chi ke aretaq xek’aq kumal nik’aj b’anol k’ax ri’ pa le wuqq’ij kanoq emu wa’ b’anow k’ax ri’ juntir xq’atex kuwach ri’.

Eri q’atb’atlzij xkib’ij k’ut e nik’aj b’anow k’ax k’aqanikr i’ are xb’antajik aretaq xtaq ukojik chi’ ri ya’olchajinik kumal ri wokajil ajchajil tinamit ri’ pa viernes pa Sacatepéquez xuquje’ pa Chimaltenango ri’, chi’ k’u ri’ eri PNC pa le uchak patan xub’an ri ri Wokajil rech Investigación Criminal (SGIC) xuquje’ rech Inteligencia Policial xb’antaj kowinem k’ut xchapik ri k’amal kib’e rech ri Mara Salvatrucha xuquje’ ri rech 18 ri’.

“Eri Wokajil Ajchajil Tinamit k’o nim keta’mab’al rech kekowin che kiq’atexik juntir nik’aj b’anol k’ax che kb’im b’anow k’ax k’aqanik ri’, rumal ri’ tajin pa uk’utik ri k’ax xekowin che uq’atexik ri’, rumal ri sak’ajil tzukunik xnab’ejsax ri’ xuquje’ rumal ri’ xb’antaj kowinem xeq’atexik nik’aj b’anol k’ax ri’, xechap k’ut nik’aj b’anol k’ax ri’, k’o k’aqb’al xraqataj kuk’ ri’”, xcha’ ri Ramos.

Eri taqawokajnel xuya’ ub’ixik che aretaq xb’antaj ri k’aqanik ri’ xil k’ut che sib’alaj rajawaxik xetaq ri’ le wokajil ajchajinelab’ ri’ rech xkiq’atij ri nik’aj b’anow k’ax ri’.

K’o ya’olchajinik kakiya’ ri’ chi ke ri ch’ich’ rech Rutas Quetzal ri’

Rumal taq ri k’aqanik katajin chi ke ri Rutas Quetzal ri’, eri PNC k’o riqb’al ib’ chomanik tajin kub’an ruk’ ri winaq kiraqom k’ax ri’, ruk’ wa’ xutaq uya’ik ya’olchajinik chi ke ri ri e ajb’insal ch’ich’ pa taq ketak’ab’ wi che kik’amik b’ik winaq ri’.

“Kojtajin k’ut che kitaqik e k’i eqa’lenelab’ rech ri PNC ri’ rech kakiq’atij ri b’anow k’aqanik ri’, pa junamil ri’ e taqom b’ik chi’ ri sak’ajil tzukunelab’ ri’ rech kakitzukuj uwach ub’anikil b’anow k’ax ri’ xuquje’ rumal ri’ xkiq’alajisaj ub’ixik che k’o nik’aj chik k’aqanik kichomam kakib’an ri’”, xcha’ ri K’amal b’e rech ri PNC.

COMPARTIR