Eri b’anow tzukunik rech PNC are xkowin che kiq’atexik ri jun molaj b’anol k’ax xkib’an elaq’ ri’

100

Eri Viceministro rech Seguridad Ricardo Guzmán xtatb’en pa jun nimtzijolinem rech q’axaltzij ri’ pa le Ministerio Público rech xuya’ ub’ixik jas ri xb’an che kichapik jun molaj winaq b’anol k’ax kib’i’ “Los Pelones” che ri xkib’an elaq’ pa taq ja achochib’al ri’.

Eri kichapik ri jun molaj winaq b’anol k’ax ri’ are xb’antaj kowinem ruk’ rumal kichak ri tzukunelab’ rech ri Subdirección General rech  Investigación Criminal (SGIC) rech ri Wokajil Ajchajil Tinamit (PNC)  k’o waqib’ ik’ chak tzukunik xkib’an chi kij ri’.

Eri kichapik jun molaj winaq ri’ are xb’antaj kowinem kuk’ rumal xetotajik pa taq le ch’a’wb’al xkib’an pa taq le ch’a’wb’alil ri’ xuquje’ ri ch’ob’onik xb’an pa le resaxik jun rachib’al rachib’al taq uwi’ kiq’ab’aj nik’aj b’anol k’ax kamisanik ri’.

Eri tzijol xmol chi rij nik’aj molaj b’anol k’ax ri’ aretaq k’a xkib’an k’ax pa febrero rech 2017 xuquje’ xch’ob’otajik xetatb’enik pa le 15 uwach b’anow k’ax kamisanik, aretaq xkeleq’aj Q5 millones chi pwaqil rech amaq’ Iximulew ri’.

Eri jun molaj b’anol k’ax kib’i’ “Nik’aj Re’q kijolom” ri’ e are k’ut sib’alaj xe’elaq’anik pa taq ja achochib’al ri’ chi’ k’u ri’ k’o kematz’ib’ xkeleq’aj chi’, k’o loq’pwaqil, ruk’ ch’a’wb’alil, jastaqil ri’, ruk’ b’otol pwaq ri’ ruk’ ch’ich’ ri’.

Eri k’ax are xkib’an pa taq wokja rech pa uk’u’x nimatinamit ri’ xuquje’ pa taq uq’ab’tinamit panoq chi rij, chi’ k’u ri’ xraqataj wi k’aqb’alil, k’o b’anow k’ax xkib’an chi ke ri winaq xkib’an k’ax chi ke ri’.

Eri Viceministro rech Seguridad, Ricardo Guzmán xuya’ ub’ixik che we jun tzukunem ya’olchajinik ri’ are xb’an ruk’ jun utzalaj b’anikilem rech pa le kiq’atexik ri molaj winaq b’anol k’ax ri’ pa taq 30 chi ja achochib’alil ri’ ri xkesaj wiri’ joremal, kijastaq ri winaqilal ri’.

Eri chak rech tzukunem ri’ ruk’ ri ch’ob’ow xb’an chi rij taq ri xkib’an wi elaq’ ri’, are wa’ xnuk’ uwach rech xb’antaj kowinem kuk’ xechapik”, xcha’ ri Guzmán.

Xuquje’ are rumal k’o jun nim xkiya’ loq ub’ixik ri winaqilal ri’ rech xkib’ij loq ri b’anow k’ax che ri xkib’an chi ke taq ri winaq ri’ xuquje’ eri nik’aj b’anol k’ax ri’ ruk’ wa’ are kaya’ jun saq chi ke ri’ b’anol k’ax ri’ rech chi kechap na ri’.

Pa le ya’olchajinik ri’ we kamik k’o 20 chi tzukunem xb’antaj ri’, rumal ri’ e k’o 7 winaq xechapik, ruk’ keb’ ch’ich’ xeraq ri’, ruk’ ch’a’wb’alil, jastaq xuquje’ wujil kech taq ri winaq xraqataj kuk’ ri’.

Eri winaq xechapatajik e are wari’ a Chrishaldy Laudiny Enríquez Cruz,uk’amal b’e jun molaj b’anol k’ax ri’; a Wilver Enrique Reyes Pineda, a Ricardo Adolfo Lacán Zacarías, ri María Alejandrina Xiloj Dimas, ri Lesli Alejandra Martínez de León, a  Luis Fernando García xuquje’ ri a Marvín Orlando Marroquín Nájera,e are kab’ixik kakeleq’aj b’ik winaq ri’, k’o nim b’anow k’ax kib’anom ri’, k’o nim elaq’ xuquje’ e k’ alitom kuk’ ixoqib’ kib’anom k’ax chi ke ri’ rumal ri’ ketaq b’ik pache’ pa jo’ob’ k’a pa 66 junab’ ketz’apib’ pache’ ri’ chi rij ri k’ax xkib’an ri’.

COMPARTIR