Eri b’anow tzukunik xopan pa wuqub’ tinamit rech San Marcos ri’

546

Eri b’anow tzukunik rech amapola xuquje’ marihuana pa le tinamit rech San Marcos are wa’ xb’antaj pa 49 q’ij man k’ot uxo’l ri’, pa jun tzukunik xel kan utzijol pa uk’aslemamtzij ri’ chi’ k’u ri’ xmes wi uwach taq ri tinamit rech  Ixchiguán xuquje’ Tajumulco xopan k’ut pa Tejutla, pa Concepción Tutuapa, pa Tacana, pa San José Ojetenam xuquje’ pa Sibinal ri’.

Pa le 19 rech mayo kanoq eri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xumaj k’ut pa le ukab’ uwach resaxik pa we junab’ ri’ rech kuya’o unimaxik ri Korlim Ya’olchajinik che ri xtaq ukojik pa en Ixchiguán xuquje’ Tajumulco, rech utaqixik resaxik ri awan ichaj rech kunb’alil ri k’o ch’oj utukum chi’.

Eri Vicemistro Antinarcótico, Oscar Dávila Mejicanos xuya’ ub’ixik che we kamik ri’ pa le resaxik ri awan ichaj rech kunb’alil pa le keb’ tinamit ri’ che ri taqom wi ri korlim ya’olchajinik xkil k’ut che ri awan taq tiko’n ri’ k’o pa taq le tinamit chi rij panoq rumal ri’ xopan resaxik k’a chi la’ ri’.

Pa le 49 q’ij che ri katajin ri tzukunik rech resaxik ri tiko’nib’al amapola xuquje’ amapola pa taq ri aldeas, caserios xuquje’ pa cantones rech ri wuqub’ tinamit ri’. Pa ronojel ri’ eri wokajil ajchajil tinamit xkiraq k’ut 6 mil 983 uwach peraj taq juyub’ pa juntir uwach are  527.109 hectáreas ri’, chi’ k’ut xqupix wi 260 millones 170 mil raqan ichaj ri’ ri rajil pa ronojel ri’ are Q6 mil 504 millones 250 mil 281.13,  xuquje’ are xqupix ri pa 75 peraj juyub’ rech marihuana pa jun uwach 3.476 hectáreas ri rajil pa ronojel ri’ Q95 millones 508 mil 375.00 ri’.

Eri ajpatanel ri’ xuya’ ub’ixik che we jun qupin awan taq ichaj ri’ are k’o pa utzijol ri’ che e k’o winaq e esam pa kamisanik rumal kak’owisam uwi’ utijik ri’ xa’rumal are kub’an k’ax chi ke ri’ pa Norte América, qas chi la’ k’ut qas kitij wiri’ che ri qas kopan wi pa k’isb’al rech ri amapola xuquje’ ri heroína ri’.

Pa taq ronojel esam wi pa Tajumulco ri ‘ are pa 23 caserios, pa 24 aldeas xuquje’ pa 3 cantones;  pa Ixchiguán pa 15 aldeas ri’, 16 caserios, 11 cantones xuquje’ pa keb’ chik ri’; pa Tejutla pa 7 aldeas, pa 3 caserios xuquje’ pa keb’ chik ri’; pa Concepción Tutuapa pa 2 aldeas xuquje’ pa keb’ caserios; pa Tacaná ri’ pa 7 aldeas, pa 6 cantones xuquje’ pa 4 caserios; pa Sibinal ri’ pa keb’ aldeas, pa keb’ cantones, pa kajib’ caserios xuquje’ pa keb’ sectores; pa jun aldea pa San José Ojetenam xuquje’ pa jun aldea pa San Marcos.

COMPARTIR