Eri Cholchak ya’olchajinik ub’i’ B’alam are rech kaq’atexik ri nuk’wokaj b’anol k’ax pa Petén ri’

118

Are wa’ rech uchuq’ab’ ya’olchajinik pa taq k’ulb’a’t juyub’ pa amaq’il ri’, eri Viceministro Antinarcótico, Óscar Dávila Mejicanos, xuya’ ub’ixik che pa le 2018 kakoj na ri’ jun ukaj Fuerza rech Tarea ub’i’ “Plan Jaguar”  pa Petén, arech wa’ kaq’atexik ri molaj b’anol k’ax chi’, ri awan k’ayin jastaq ri’, rech kaqupix ta chik k’ache’laj ri’, rech kek’ayix ta chik awajil ri’.

“Rumal k’ut ri ub’anik ri juyub’al karaqataj wiri’ e k’o chi’ e 300 chi winaqil ri’, ri e tijob’em pa katuke’lal ri’ rech kekowin che ub’anik tzukunem ya’olchajinik pa taq le rulewal juyub’ tinamit ri’ rech kechajin ri’ chi’”.

Eri Plan Jaguar ri’ are wokotal uwach kumal taq eqa’lenelab’ rech ri Wokajil Ajchajil Tinamit (PNC), ruk’ ri Ministerio rech ri Defensa xuquje’ ruk’ ri Superintendencia rech Administración Tributaria (SAT) ri’.

Xuquje’ eri taqawokajnel ri’ xuya’ ub’ixik che k’o ukaj wokajil rech fuerza rech tarea sib’alaj kachajin ri’ pa le Juyub’ Tinamit ri’ rech keq’atexik ri ajb’anol k’ax kuk’ ri e ajchapol peraj taq juyub’ ri’ “rumal k’o nimalaj k’ache’laj chi’, ruk’ taq nimaja’ naj raqan kok’ow chi’, ruk’ nimab’e rech resaxik awan kunb’alil ri’, jacha’ ri awan kipanb’alil xik’ach’ich’ rech keqaj cha ulew chi’ ri alaj taq xik’ach’ich’ keqam b’ik awan taq kunb’alil ri’”.

COMPARTIR