Eri Dávila kub’ij “Pa Tajumulco xuquje’ pa Ixchiguan k’o awan ichaj kunb’alil xesach chi’”

252

Are rech b’a’ kujtob’anik kuk’ ri winaqil pa San Marcos, eri k’o pa uk’exel ri Ministro ri’, Oscar Dávila Mejicanos, xuya’ ub’ixik cha pa “Tajumulco xuquje’ Ixchiguan chi’ xe’esax wi ri awan ichaj maj pa usaqil ri’”, are wari’ katajin chik pa 32 q’ij ri’, chi’ k’u ri’ eri eqa’lenelab’ rech ri Wokajil Ajchajil Tinamit (PNC) xuquje’ ri Subdirección General rech Análisis rech Información Antinarcóticos xkib’an resaxik ri amapola xuquje’ ri marihuana chi’.

Are wa’ uwach ri chak b’anom pa jun ik’ chik chi’ pa San Marcos ri’,  are qas xkiya’o chajinik chi ke ri winaqila chi’ rumal ri’ e jun mil 500 eqa’lenelab’ rech ri Wokajil Ajchajil Tinamit (PNC) xetaq chi’ pa le keb’ tinamit ri’.

Eri Dávila Mejicanos xub’ij che pa le wuqq’ij kanoq xb’antaj kowinem xesataj juntir ri awan ichaj kunb’alil pa Tajumulco xuquje’ pa Ixchiguán, jeri’ pa taq nik’aj tinamit jacha’ pa Tacaná ri’.

“Sib’alaj ki’kotem chuwe in rech kinya’ panoq ub’ixik we kamik ri’ che pa le keb’ tinamit ri’ man k’ot chik ri’ awan ichaj man pa usaqil ri’, xaq’ xu’ wiri’ karaj na kasolixik chi rij panoq”, xcha’ ri taqawokajnel ri’.

Eri utzijolil ri amapola che ri xesataj ri’ are 4 mil 919 pa taq le peraj juyub’ chi’ junam 387.46 chi perajil rech ri’ ri rajil pa ronojel are ri’ Q4 mil 682 millones 134 mil 156 ($$ 637 millones 202 mil 438) ri’.

Eri xesataj pa le peraj taq juyub’ ri’ are pa 54 ri’ ruk’ marihuana junam ruk’ 3.15 hectáreas, ri rajil ri’ are  Q. 90 millones 367 mil 500 ($ 12 millones 310 mil 954) ri’.

Xuquje’ eri Dávila xuya’ ub’ixik che aretaq xesax ri awan ichaj maj pa usaqil ri’ pa taq le tinamit rech San Marcos ri’, k’o ri’ ub’eyal uchak patan ri Taqawokaj ri’ chi’ k’u ri’ pa taq molaj e k’o e ajchomanelab’ ri’ xuquje’ chi ri Uchararem rech K’iyemal ri’, chi’ k’u ri’ eri jujun taq Ministerio tajin kutzukuj uchomaxik ri tob’anik kaya’taj pa taq komon winaqilal ri’.

Chi rij wa’ eri viceministerio Antinarcótico, k’o uq’ijol kunanem uya’om chi’, k’o uq’ijol rech kikunaxik awajil xub’an ri’, k’o kiwujil ri alaj taq ak’alab’ rech taq tijob’al ib’ xujach chi’ xuquje’ k’o chomanik xub’an kuk’ taq ri winaqilal ri’, are rech tajin kakitzukuj ub’anik utzilem chi ke ri winaqilal chi’ xcha’ ri Dávila Mejicanos.

COMPARTIR