Eri DIGESSP katajin che utz’ib’axik e nikpa’ che eqa’lenel rech ya’olchajinik e tojom e k’o ri’

120

Eri Empresas rech Seguridad Privada ya’tal chi ke rech k’o ya’olchajinik kakiya’o ri k’o pa usaqil pa q’atb’altzij ri’, eri ri K’amow Ub’e ri Ya’olchajinik k’o Ajchoq’e ri’, (DIGESSP), kub’ij che qaraj e k’o 45 mil chi eqa’lenelab’ rech ya’olchajnik e k’o pa konojel ri’ pa we kamik kumal ri rajawtzij rech ri ya’olchajinikr i’, e k’o k’ut 16 mil, xcha’ ri K’amal b’e América Estrada Flores.

Eri rajilab’al eri qast k’i kuwach e ajchajinelab’ e k’o ri’ jacha’ ya’om ub’ixik ri’, rumal k’ut eri katz’ib’axik are paqil rajil ri’ kakitojo ri e ajchoq’e ri’, xuquje’ k’o jun k’uttijonem ya’om chi ke ri e ajchajinelab’ ri’, ri e ok’owinaq pa le etab’anem chi ke rech kilik jas kib’antajil keraqataj pa taq kichomab’al pa le kik’aslemal ri’, eri jun b’anikil ri’ are k’o pa le wujilal rech ri Decreto 52 – 2010 are ub’ixik rech k’o kiwujil ya’om ri’ rech ya’talik kechakun ri e ajchajinelab’ ri’.

Eri wokajil e k’o pa saqil kchak patan ri’

Rumal ri’ eri K’amqal b’e ri’, xub’ij k’ut eri wokajil che ri ketajin che chak patan ri’ are k’o kiwujilal e 180 pa konojel ri’, chi ke ri’ e k’o 61 karaj na ri ketajin che usuk’umaxik kiwujilal jacha’ ri kub’ij ri Acuerdo Gubernativo xuquje’ Ministerial, rech te k’u ri’ ya’tal chi ke kechakun ri’.

“E k’o k’i wokajil ri’ che ri maja’ kakik’is uwach jun suk’uman kib’ ri’ rumal ri’ pa aninaqil keyexik rech kakiya’o kib’ pa saq, konojel k’ut maj pa usaqil ketajin che ub’anik jun chak patan ri’ jacha’ ri kub’ij ri taqantzij chi ke we kamik”, xcha’ ri Estrada Flores.

COMPARTIR