Eri DIPRONA, k’o 964 mil uq’ab’ K’isische’ maj pa usaqil xuraq pa 22 q’ij rech ya’olchajinik ri’

216

Pa 22 q’ij rech ya’olchajinik ri’ pa ronojel k’o 964 mil uq’ab’ k’isische’ ri’, 92 che’ rech Pinabete, 21 mil 349 rech nik’aj chik, 48 chi orquídeas, 43 chik prexb’al b’anom che uq’ab’ k’isis, 16 chik rech guirnaldas, 32 chi koxtar rech nik’aj chik, 7 cho koxtar rech ratz’iyaq che xuquje’ waqxaqib’ chik uwach che’ ri’ xcha’ ri Comisario rech ri Wokajil Ajchajil Tinamit (PNC), Elías Rodríguez Vásquez Taqanel rech ri Wokajil Ajchajil K’ache’laj ri’ (DIPRONA).

Eri Rodríguez xub’ij chik che we raqonik ri’ are xb’antaj pa Quiché, Chinab’jul, pa San Marcos, pa Tz’oloja’, Chuwi’meq’ina’, Chimaltenango xuquje’ pa uk’u’x Nimatinamit ri’ chi’ k’ut xuraq wi 18 chi ch’ich’ ri xe’utaq b’ik ri’ pa k’olib’al rech ri rumal ri’ PNC xuquje’ e k’o 30 chi winaqil xechap b’ik ri’, k’o kab’lajuj e ajloq’ol rech ri che’ ri’ ri xetaq ri’ pa q’atb’altzij ri’.

Eri Rodríguez xub’ij che ronojel wari xa’rumal kak’ib’an k’ax che ri Pinabete le maj pa usaqil ruk’ nik’aj chik ri’, ri q’alam rumal ri q’atajtzij 81 xuquje’ 82 ri qaraj kaq’an pa rajilab’al ri’ pa kajib’ q’inomalil ruk’ 500 mil chi pwaqil rech pa amaq’ ri’, eri rajilab’al ri’ kaq’an ri’ rumal kachomarsax ri ya’olchajinik pa taq le nimaq’ij rech k’isb’al junab’ ri’.

“DIPRONA, eri xb’antaj pa ronojel ri juanb’ ri’ are ruk’ taq tzijob’enik chi rij q’atel uqupixik ri che’ ri’, ya’olchajinik chi ke ri ch’ich’, ri kak’iyix wi ri Pinabete ri’ xuquje’ ri kaloq’ wi, rech ri winaq kakichajij kib’ chi rij aretaq kakiloq’ jun che’ ri’”, xcha’ ri Comisario.

Xub’ij chik che k’o kak’iyix wi pa uk’u’x nimatinamit chi’ k’u ri’ che ri kaloq’ wi ri Pinabete pa usaqil xuquje’ are k’ax ta rilik ri’ eri ya’talil kak’ayixik k’o jun umarchamo saq kaka’y ri’ are ri ya’talil rumal ri Instituto Nacional rech Bosquez (INAB) xuquje’ ri rumal ri Consejo Nacional rech Áreas Protegidas  (CONAP).

COMPARTIR