Pa le b’enam che tajin ub’anik ri’ rech ula’wchixik ri loq’olaj k’ache’laj xuquje’ rech katikik ri K’isis Che, rumal ri Instituto Nacional rech  Bosques (INAB) xuquje’ ri rumal Consejo Nacional rech Áreas Protegidas (CONAP), pa Chuwi’meq’ina’ Totonicapan xuquje’ pa Xe’laju’ rech kek’asb’axik kumal ri winaqilal ri’, xetatb’en ri eqa’lenelab’ rech ri División rech Protección rech ri Uwach Ulew ri’ (DIPRONA).

Eri Vicente Gálvez Portela, ajk’amal b’e kech ajchomanel rech ri DIPRONA pa Chimaltenango ri’ xuya’ ub’ixik che ri xe’achb’ilan che ri CONAP ri’ xuquje’ che ri INAB are rech b’a’ kaya’ reta’maxik ri rulewal che ri qas katajin wi b’anow k’ax che k’ache’laj chi’ rumal kesax ri k’isis che chi’.

Eri ajtaqanel xuya’ ub’ixik che pa le junab’ 2016 ri’ k’o 650 mil uq’ab’ che ri’ maj pa usaqil xe’esax chi’ xuquje’ are ri’ xeraqatajik, eri xraqatajik ri’ eri rajil pa ronojel k’o ri’ pa 3.5 millones chi pwaqil rech amaq’il iximulew ri’ xuquje’ e k’o 23 winaq xechap chi rij ri b’anow k’ax ri’.

K’o nimalaj ya’olchajinik kab’an pa taq le rulewal taq k’ache’laj ri’

Eri Gálvez Portela xuya’ ub’ixik che pa le 2017 chomam chik che k’o ya’olchajinik kab’an pa taq le rulewal taq k’ache’laj ri’, k’o ya’olchajinik pa komonb’al ruk’ ri Consejo Nacional rech Áreas Protegidas jeri’ ruk’ utob’anik ri Insituto Nacional rech k’ache’laj ketajin che uchomaxik kaya’ uk’olib’al ri ya’olchajinik pa taq le nimab’e ri’ xuquje’ pa we junab’ b’anom jun nim ch’ob’ow chi rij ub’anikil taq k’aqanib’alil ri’ rumal k’ut are xilik che e k’o pa taq jalajoj taq e ajb’anol k’ax che ri k’isis che’ ri’ rech pa awalik kakik’owisaj pa nik’aj chik nimab’e awan ub’anikil ri’.

Eri Oficial rech DIPRONA, xuya’ ub’ixik che “K’o chik le tob’anik kech taq comisarías rech ri PNC, ri e k’o pa taq kiwokajilal ruk’ ri kajchak rech uq’atexik jastaq maj pa usaqil kaq’axaxik ri’ rumal k’ut are wa’ jun nim k’ax tajin kab’an che ri ujastaq umeb’il qamaq’il ri’”.

COMPARTIR