Eri diputados xkib’ij che k’o ya’olchajinik chi ke e ajpache’ aretaq keq’axax ri’

185

Eri diputados rech ri Komonb’al rech ri Taqawokajnem rech ri B’anol Taqanib’al pa Amaq’il ri’, ruk’ ki’kotem xkib’an uch’ob’ik ri chak patan kub’an ri Ministerio rech Gobernación jeri’ ri rech Salud, chi rij taq ub’anikil ya’olchajinik xuquje’ ruk’ kiq’axaxik e ajpache’ pa taq ja kunanib’al yowab’ ri’.

Chi rij wari’ eri Viceministro rech Ya’olchajinik, Ricardo Guzmán xuya’ ub’ixik che kupatanij wa’ are rech kak’utik che ri wokajil rech ri Taqawokaj pa Amaq’ ri’ katajin pa komonchak pa wokajilal ri’.

Rumal ri’ eri ya’olchajinik ri’ eri Guzmán xuya’ ub’ixik che pa le Hospital San Juan de Dios, ri Roosevelt xuquje’ pa taq nik’aj chik ja kunanib’al yowab’ chi rij wari’ eri Ministerio rech Salud k’o utob’anik ri PNC ch rij ri’, xuquje’ eri tob’anik chik kiya’om ri e ajchajil amaq’ ri’ are rch uq’atexik b’anow k’ax chi ke taq ri winaq e yowab’ keraqataj chi’ xuquje’ chi ke ri e ajchak che ri keraqataj chi’.

Eri jachakunb’al rech ilob’al ri’ ruk’ taq ri jachakunb’al rech kunanem winaq ri’

Chi rij wari’ ri jachakunb’al rech kunanib’al winaq rech ri Wokajil Japache’ ri’ chi rij ri’ eri Viceministro rech Ya’olchajinik xuya’ ub’ixik che ri Ministerio rech Salud ri’ uya’om keb’ ch’ich’ rech b’anow kakunaxik winaq ri’, jun rech pa le zona 18 chi’ k’u ri’ e k’o wiri’ oxib’ japache’ ri’ ri jun chik pa le Complejo rech Fraijanes, chi’ k’u ri’ e k’o wi jo’ob’ xuquje’ pa Pavoncito are ri’ k’a xoksaxik jun upam ja ri’ che ri karaqataj wi ub’anikil ilob’alil rech hematologías, are rech wa’ eri e ajpache’ rech ke’esax ta ch b’ik rech kek’am tane’ chi b’ik pa taq jakunanib’al winaq e yowab’ ri’ we xaq ri’ rech resaxik jun ilob’al chi ke ri’.

Pa le rajilab’al ri’are xqajik kiq’axaxik ri e ajpache’ pa taq ja kunanib’al yowab’ ri’ are rech chi ke ri 500 chi ik’ ri’, we kamik xaq xu’ wiri’ chik ketaq b’ik e 25 pa 40 chi ke ri’.

Eri ub’anikil uwach ri nab’e taq ya’olchajinikr i’, eri K’amal b’e rech ri SP,Juvel de León xuk’ex kajb’al uq’ijol kiq’axaxik ri e ajpache’ ri’, rech k’ot chik k’ax kak’ulmataj ri’ jacha’ ri xk’ulmataj pa le hospital Roosevelt ri’.

COMPARTIR