Eri DISETUR katajin che ya’olchajinik chi ke wa’katel winaq pa Esquipulas ri’

155

 

Pa konojel e k’o e 75 chi eqa’lenelab’ rech ri División rech Seguridad Turística (DISETUR) rech ri Wokajil Ajchajil Tinamit (PNC), ketajin che ya’olchajinik pa Esquipulas, rech pa le uq’atexik ri b’anow k’ax chi’ kumal e ajb’anol k’ax xuquje’ rech k’o chajinik chi ke e wa’katel winaq pa le nimaq’ij kab’an chi’ rech uq’ijol ri’ le Cristo Negro ri’.

Eri Taqanel rech ri DISETUR, Erick Tórtola xub’ij che ruk’ ri ya’olchajinik ri’ are rech keq’atexik ri winaq che ri kakitij tzam rech kakib’an q’ab’arik ri’ rech majun kaq’aqon chi k’aqb’al pa kaqiq’ ri’ pa tinamit chi’, rech majun winaq kuraq tane’ k’ax ri’.

“Eri b’anow k’ax ri, pa taq le nimaq’ij ri’ qas kakib’an k’ax elaq’ chi ke ri winaq ke’opan chi’ che ri ke’opan pa taq le ch’ich’ chi’, che ri keb’e pa Esquipulas, pa le juyub’ tinamit rech Chiquimula”, xcha’.

Are wa’ naj junab’ k’amanaq chik kab’an ri’

Pa le juyub’ tinamti rech Esquipulas, k’’o pa le juyub’anem rech Chiquimula, chi’ k’ut karaqataj wi’ ri Basílica rech Esquipulas chi’ k’ut qas ke’opan wi’ ri winaq rech kech’ab’en che ri Cristo Negro ri’, rumal ri’ qas e k’iyalaj winaq k’ut ke’opan che wa’katem chi’, xuquje’ pa taq le k’olib’al rech k’ayib’al pa le q’ijonem ke’opan wi’ chi’, pa le nimaq’ij kab’an chi’ pa le 15 rech enero are nimaq’ij kab’an che Rajaw Tinamit rech Esquipulas ri’ rumal k’ut pa taq le q’ij ri’ e k’i taq winaq kepe pa rulewal centroamericana xuquje’ pa le Sur rech México rech kakimol kib’ chi’.

K’a chi’ k’u ri’ pa we q’ij ri’, arech wa’ qas eta’mam kumal ri winaq che are wari’ le “Nimatinamit centroamericana rech ri q’ijob’alil ri’”, xuquje’ pa le junab’ 2015, k’o pa le Acuerdo Gubernativo 1199-2015 ri’, eri nimatinamit ri’ are uk’olib’alil rumal ri UNESCO ri’ xub’ij che are NIM UMEB’ILEM MAJUN AJCHOQ’E RUMAL K’UT Y’ATAL UQ’IJOL CHI KE RI WINAQIB’ RI’, rumal k’ut chi’ k’o wi’ ri rachib’al kaq’ijolax wiri’ le Tyox tat rech Esquipulas ri’.

Eri Tórtola xub’ij che ruk’ wari’ are rech kaya’ uchuq’ab’ ri ya’olchajinik chi’ rech pa joremal kewa’kat ri winaqil chi’.