Eri DISETUR, k’o ya’olchajinik kuya’ chi ke wa’katel winaq rech kajlajuj wokajil pa ronojel amaq’ ri’

115

Eri kajlajuj wokajil che ri e k’o pa ub’eyal taq rulewal tinamit, kek’oji ri’ che ya’olchajinik chi ke le winaqil e wa’katel ri e aj chi’ kuk’ ri kepe pa taq tinamit naj che ri ke’opan pa taq kitz’aq ojer winaq ri’, ri ke’opan pa nima’q taq tinamit ri’, ri keb’e pa uwi’ taq ixkanul kuk’ ri keb’e chi uchi’ plow, pa taq itininem k’o wi ja’ xuquje’ chi uchi’ plow pa le nimaq’ij rech Alaxib’al pa k’isb’al junab’ ri’, jeri’ xuya’ ub’ixik ri Pablo Vásquez, Taqanel rech Apoyo xuquje’ Logística rech ri División rech Seguridad Turística (DISETUR), rech ri Wokajil Ajchajil Tinamit ri’.

Eri wokaj winaqil ri kek’oji ri’ pa taq le Uk’ux’ Nimatinamit ri’, Xe’laju’, Izabal, pa Esquipulas Chiquimula, Petén, Antigua Guatemala, Sacatepéquez, Panajachel, Tz’oloja’, Retalhuleu, Escuintla xuquje’ Quiché.

Chuxo’l taq uwach ri chak patan kumal ri e ajchajil tinamit are rech uq’atexik k’ax xuquje’ rech kachajinik kub’an ri DISETUR ri’, pa taq le q’ij ri’ e k’o k’i winaq keb’e pa uwi taq plow ri’ rumal ri’ e are rajawaxik k’o ilonik kaya’ chi ke xuquje’ k’o chajinik rech pa aninaqil kaya’ chi ke ri’, pa taq Sacatepéquez, Escuintla, Tz’oloja’ xuquje’ pa Xe’laju’ ri’.

Pa le Antigua Guatemala ri’, pa amaq’el le ya’olchajinik ya’tal ri’ rech uq’atexik b’anow elaq’ ri’ ruk’ elaq’an ch’ich’ ri’, pa Uk’u’x Nimatinamit eri ch’ich’ rech b’inisam ya’olchajiik pa Uk’u’x Nimatinamit ri’ xuquje’ ri ya’ochajinik solinik pa taq le Unimal raqan ri Sexta, are rech e chajim konojel le winaq che ri keb’e che loq’ow pa taq le k’isb’al junab’ ri’ pa le jun nimalaj uwach nimb’e ri’.

Rech kunimaj b’a’ ronojel uwach uchak patan ri DISETUR ri’, e taqom pa ya’olchajinik chi’ pa kiwokajil 468 eqa’lenelab’ ri’.

COMPARTIR