Eri DISETUR, pa Antigua katajin wi che chomanem kuk’ ri winaq tinamit xuquje’ rech ya’olchajinik chi ke ri winaq e wa’katel chi’

Are rech utaqixik uya’ik uchuq’ab’ ri b’anow chomanik kuk’ ri winaqilal chi’ xuquje’ rech jun utzalaj ya’olchajinik chi ke ri winaq e wa’katelab’ ri’, kumal ri eqa’lenelab’ rech ri División rech Seguridad Turística (DISETUR) rech Antigua Guatemala are wa’ katajin ub’anik pa taq le jalajoj taq b’anow q’atel k’ax ri’, jeri’ xuya’ ub’ixik ri Taqanel Noé Prera.

Eri taqanel rech ri DISETUR ri’, kub’ij eri eqa’lenelab’ e ajchajil tinamit k’o pa ub’eyal ri ya’olchajinik kab’an ri’ pa le kach’ob’ik kuwach ri winaqil xuquje’ ri ch’ich’ ri’, pa le Nimatinamit ri’, rumal kopanik chi’ ri e wa’katel winaq ri’.

Eri Prera xuya’ ub’ixik che k’o jun riqb’al ib’ xub’an ri’ pa ub’eyal komonchak rech ya’olchajinik ri’, ri kab’an ri’ pa le nimalaj riqb’al ib’ pa kumal nik’aj nimatinamit ri’ rech golf, rech ri PGA Guatemala 2018, xuquje’ ri kab’an ri’ pa taq le 12 pa le 18 rech marzo.

“Pa le riqb’al ib’ ri’ rech komonchak rech ya’olchajinik rech q’atel b’anow k’ax ri’ xujk’oji wi che tatb’enem pa kawokajil e ajchajil tinamit ri’ xuquje’ pa le k’amow ub’e ri’ pa le achochib’al kab’an wiri’ le jun nimalaj etz’ab’anem pa uwachulew ri’ ruk’ jun kub’sib’al k’u’x rech pa runimal ub’anikil we jun b’anow ri’, xuquje’ are rech eri winaq e wa’katel k’o jun utzalaj rachib’al we amaq’ ri’ kakik’am b’ik pa kanima’, rech pa le Antigua Guatemala ri’”, xcha’ ri Prera.