Eri Héctor Noé González Prera Oficial II rech ri Wokajil Ajchajil Tinamit (PNC) xuquje’ ri taqanel rech ri Wokajil rech Seguridad Turística (DISETUR) xuya’ utzijol che ri ilb’anik pa le Awas Q’ij ri’ che ri kab’an pa le Antigua Guatemala we kamik xtatb’enik pa jun komonchak pa taqawokajil pa le kachajixik ri winaqilal ri’ xuquje’ ri e wa’katel winaq e aj chi’ kuk’ ri kepe naj aretaq ke’opan pa solinik pa le aldea rech Santa Ana.

Eri González Prera xub’ij che chi’ pa tinamit ri’ kab’an wiri’ utelexik ri Rachib’al ri Jesús Nazarenos rech le Dulce Mirada, are pa komonchak kil ri’ pa Komonb’al ruk’ ri (CONRED), ri Bomberos Municipales, ri e Ajchajil pa Tinamit ri’ xuquje’ ri Comisaría rech ri PNC rech Sacatepéquez ri’.

“Eri kab’an chi rij wari’ pa le Awas Q’ij are chomam chik ri b’anow upatanixik pa taq viernes rumal k’ut are we q’ij ilom chik kab’an ri teleb’al rachib’al tyox ri’ pa le Nimatinamit ri’ xuquje’ pa domingo aretaq k’i teleltyox kab’an ri’ xuquje’ are chomatal chik k’o pa ya’olchajinik ri’ rech maj raqow k’ax kab’an chi’ kumal e itzel winaq ri’ aretaq kakaj kakeleq’aj pwaq jastaq kuk’ ri winaq e wa’katel xuquje’ ri winaqil tinamit antigüeños ri’”, xcha’ ri Oficial II rech ri DISETUR ri’.

Xub’ij chik “Jewa’ ri’ kub’an ri PNC – DISETUR, pa le ub’eyal ya’olchajinik ri rajawaxik kekoj ri’ pa kawokajil rech uq’atexik b’anow k’ax ri’”.

E k’o e k’i eqa’lenel rech ajchajil tinamit ri’ xuquje’ ruk’ kitob’anik ri puqil ajchajinel keb’in chi rij kejach’ich’ xuquje’ pa taq le ch’ich’ rech ya’olchajinik rumal ri’ PNC pa le kachajixik le winaqil ri’, jeri’ kab’anik k’a panik’aj aq’ab’ rech we kamik viernes, xcha’ ri González Prera.

Eri kab’an pa Awas Q’ij ri’

Pa Kawinaq q’ij nab’e chuwach ri Awas Q’ij ri’ eri e ajtelel tyox ri’ rech taq komontyox ri’ xuquje’ rech taq nik’aj chik k’o telentyox ri’ kakib’an ri’ pa le rok’owisaxik uq’ij le rachib’al winaq tyox chi’, rumal ri’ k’o telentyox kakib’an ri’.