Eri Donaldo Chután Enríquez are jun loq’olaj achi’ ri xkamik pa le uchak patan ri’

131

 

K’o chik jo’lajuj junab’ katajin che chak patan pa le Wokajil Ajchajil Tinamit (PNC), Donaldo Chután Enríquez, ri are ri’ kana’tix uq’ij ri’ pa taq le rachoch xchakun wi’ rumal ri are xkamik pa le uchak katajin wiri’, ri ar xkamik aretaq xya’taj kanoq ri jastaq tob’anik chi ke ri winaqil xkiraq k’ax rumal xpoq’ ri ixkanul chi rij ri’.

Eri Chután Enríquez pa le División rech Policía rech Mercados (POLIMERC) katajin wi’ che chak ri’ eri are ri’ kaminaq chik xraqatajik aretaq xusolkopij rib’ ri ch’ich’ rech chajinik ub’insam b’ik ri’, che ri xch’apob’ chupam ri nimaja’ ri xcharin b’ik rech rumal jun nimalaj xq’o’l xok’ow chi kij ri’ rumal ri ixkanul chi’, are wa’ q’aq’ xutaq loq ri ixkanul chi’ pa le aldea El Rodero pa Escuintla.

Ri are b’enaq pa le jun ch’ich’ rech Polimerc 004, e rachb’ilam b’ik e kajib’ eqa’lenel , ri e rachib’il che ri k’a te xakiya’o kanoq ri jastaq tob’anik chi ke ri winaqilal pa taq le juyub’ k’olib’al ri’ che e sachinaq k’a xmajtaj ri jun k’ax rumal ri ixkanul ri’. eri nik’aj chik rachib’il xesakataj ta ri e are.

Xe’uya’ kanoq e kajib’ taq ralk’uwal ri’ ri k’a te  8, 14, 16 xuquje’ 19 kijunab’ chi kijujunal ri’ ri man xeril taq chik xopan ta chi kuk’.

Ri are k’o chik 45 ujunab’, ri are xok pa le PNC pa le nab’e q’ij rech diciembre rech 2002 xuquje’ xk’oji pa le División rech Policía rech Mercados, ri xunimaj ri uwinaq utinamit k’a pa le k’isb’al q’ij rech ri uk’aslemal ri’.