Eri e ajcha’el che K’amal ub’e ri INACIF xkijach kicholchak chi kuwach ri rajawtzij rech ri K’amow b’e ri’

298

Pa konojel e k’o waqxaqib’ chi ajcha’el che K’amalb’e ub’e ri Instituto Nacional rech Ciencias Forenses (INACIF), xkijach ri ch’’ob’otal ub’eyal kicholchak ri’ chi kuwach ri rajawtzij rech e ajcha’el rech ri taqawokajil ri’.

K’o panik’aj kajb’al xkimaj che uk’utik ri kicholchak ri’ xuquje’ k’o panik’aj kajb’al chik rech xk’otox kitzij kumal ri rajawtzij ri k’amow b’e ri’, chi kuxo’l k’ut xuquje’ k’amatil kib’e rumal ri Ministro rech Gobernación, ri viceministro rech Ya’olchajinik Ricardo Guzmán Loyo ri’.

Eri 24 chi e ajcha’el ri’ oxib’ q’ij k’ut xk’otox kitzij ri’, we kamik are xetzijonik ri a Luis Arturo Herrera Lemus, a Bayron Ramiro Lopez Santos, a Jorge Nery Cabrera Cabrera, a José Salomón Castro Diaz, a Guillermo Austreberto Carranza Izquierdo, a Manuel Alfonso Castellanos Alonzo, a José Mario Nájera Ochoa xuquje’ a Mynor Rolando Girón Rivera.

Ri xya’ ub’ixik ri’

Pa le nab’e uq’ijol ri’ e k’i chi ke ri e ajcha’el sib’alaj xkiya’o ub’ixik che pa le kicholchak ri’ are qas xkiya’o utzijoxik rij ri tijonik kesam k’’ut chi jujunal ri’, are rech kakiya’o uchuq’ab’ ri ya’b’al ilonem chike ri winaq kiraqom k’ax ri’, ri ub’anikil chak patan ri’, chi’ k’u ri’ xkiq’alajisaj wi tojb’al chi ik’ ri’, upaqab’saxik kajil ri e ajchak ri’, ya’ltzijolil xuquje’ upaqab’saxik keqale’nib’al ri kekowin che ub’anik chak patan ri’ xuquje’ uyakik jun wokomja rech man k’ot chik qojomja kab’an ri’.

Xuquje’ eri konojel ri’ chi ke ri e ajcha’el ri’ xkib’ij che are sib’alaj rajawaxik pa aninaqil kaya’ uchuq’ab’ chak patan ri’, kaloq’ ri jastaq xuquje’ kakoj b’anob’al ilob’alil ri’ xuquje’ kajach uwch ri b’anow chak patan ri’ rumal k’ut juntir chi’ pa uk’u’x nimatinamit utitz’om wi rib’ ri’.

Chi ke taq ri b’anow chak k’o ub’anikil ri’ xkiya’ k’ut ub’ixik che are rajawaxik pa aninaqil kumajo rech kakoj uk’olib’al rech k’o kita’ik xuquje’ rech k’o ilob’al ri’, rech achib’al ri’, rech rilik pa b’antajil ri’ xuquje’ jun jachakunb’al rech solib’al keyaj ri kaminaqib’ ri’ le utasom wi rib’ che ri rech kaminaqib’ ri’, rech solib’al rech b’anow ajilab’al ri’ rech kilik ri pwaqilem ri’ xuquje’ rech kakojik jun jachakunb’al rech solib’al kich’akul kaminaqib’ ri’.

COMPARTIR