Eri e ajchak ri’ ketijoxik pa le Nab’e Umolik Tzijol chi rij uka’yixik ri Ya’olchajinik pa Tinamit ri’ kumal ri winaq tinamit ri’

112

Pa keb’ q’ij chik katajin ri tijonem chi ke e 130 e ajchak ri ketaq ri’ pa le Nab’e Umolik Tzijol chi rij ub’anikil rilik Ya’olchajinik kil kumal winaq ri’ (ENPEVI) 2018 eri cholchak ri’ are rech ri Urox Viceministerio rech Q’atel b’anow k’ax ri’.

Eri e ajchak e ajchakul rech ri umolik ri tzijol ri’ e are ketijoxik pa kajib’ q’ij rech kakich’ob’o jas ub’anik uta’ik uchakuxik kab’an che ri wujilal rech ri ENPEVI pa le uk’utik chi ke ri winaq tinamit che ri kiraqom k’ax ri’ xuquje’ kb’im ta loq ri’.

Eri utzijol che ri yakom chk are kupatanij rech ketaxik nikpa’ rajilab’al chi b’anom k’ax k’ulmam pa taq le ik’ rech noviembre rech 2016 xuquje’ pa octubre rech 2017, eri uwach kiraqom ri winaq ri’ xuquje’ jawchi’ kiraqom wi ri k’ax ri’.

Eri ENPEVI ri’ kuchakuj na jun retal rachib’al rech ri’ pa taq 17 mil chi achochib’al e k’o pa juyub’ tinamit ri’, we cholchak ri’ are chomam kamajtaj pa le ik’ noviembre ri’.

Eri k’uttijonem ri’ are ya’talil kumal e ajtijonel rech pa Uwokajil ri Jachakunb’al rech ri Excelencia rech ri INEGI –UNODC rech México e are k’ut e rajawtzij chi ke e ajmolonel tzijol, e ajsolinel xuquje’ e ajtaktaktatel rech ri Nab’e Umolik Tzijol rech uka’iyixik ri Ya’olchajnik pa Tinamit kumal ri winaq kiraqom k’ax pa Iximulew ri’.

We jun cholchak ri’ rech ri Urox Viceministerio rech Q’atel b’anow k’ax pa komonchak ruk’ ri Instituto Nacional rech Estadística(INE ) xuquje’ rech tob’anik rumal ri proyecto Infosegura rech ri Programa rech ri Naciones Unidas rech ri K’iyemalil ri’ (PNUD) ri k’o pa Iximulew ri’.

COMPARTIR