Eri e ajesal rech kuk’ ri kakiloq’o uq’ab’ taq K’isis che’ kechap na ri’

121

Eri kakiloq’ uq’ab’ k’isis che kuk’ ri e ajk’ayil rech junam ri’ k’ax kakimakuj ri’ rumal ri’ kichapik kab’anik rech ketaq pa q’atb’altzij ri’ jeri’ xuya’ ri Vicente Gálvez Portela, Taqanel rech ri Delegación rech DIPRONA, k’o pa Chimaltenango xuquje’ are xerachb’ilan pa le keb’ fincas rech tikom wi ri K’isis che’ ri’, ri jun k’o pa Tecpán ri jun chik k’opa San Andrés Iztapa Chimaltenango.

Eri b’enam chi’ are rech kab’an utzel che ri Pinabete ri’ rech man kasach ta uwach ri’ rumal wari’ toq’im utikik rumal ri Instituto Nacional rech Bosques, (INAB), rumal ri Consejo Nacional de Áreas Protegidas (CONAP), ruk’ utob’anik ri División rech Protección che ri Uwach Ulew ri (DIPRONA).

“Eri resaxik ri uq’ab’ che’ rech Pinabete ri’  are ri’ jun b’anow k’ax che ri k’o chi rij pa le Taqanem rech Áreas Protegidas pa le q’atom tzij 81 xuquje’ 82, chupam k’ut kub’ij wi chinaq kub’an wa’ jun k’ax ri’ che ri Ujastaq Umeb’il we Amaq’ k’o ri’ jo’ob’ pa lajuj junab’ tojb’al rech pache’ ri’”, xcha’ ri Gálvez Portela.

Xub’ij chik eri CONAP ruk’ ri INAB’ ri’ k’o ya’olchajinik pa komonb’alil kab’an che ri tajin kak’iy wi ri Pinabete ri’ xuquje’ rumal ri’ e k’o k’iyalaj taq winaq e chapom chi rij ub’anik k’ax che taq ri che’ ri’, rumal k’ut are k’o nim pwaq kakich’ak chi rij taq ri Pinab’e aretaq kakik’ayij.

Xmajtaj ri ya’olchajinik

Eri Portela xuya’ ub’ixik ucholaj ri ya’olchajinik che ri kamajtaj pa le jo’lajuj q’ij rech noviembre pa taq le juyub’ tinamit rech Chuwi’meq’ina’, Xe’laju’, Quiché, San Marcos, Tz’oloja’, Chimaltenango xuquje’ pa Uk’u’x Nimatinamit ri’.

COMPARTIR