Eri e ajkunanel rech ri taq Gobernación tajin kek’uttijoxik

165

E k’o kawinaq lajuj chi e ajkunanelab’ rech taq uq’ab’ ri Ministerio rech Gobernación ketajin pa k’uttiijonem are rech ketijoxik we kamik ri’, xcha’ ri Mónica Zamora ri k’o che K’ama b’e rech Salud Integral ri’.

Eri Zamora xuya’ ub’ixik pa le upatanixik kikunaxik winaq ri’, rumal ri’ eri e ajkun tajin ketatb’en pa le ja kunanib’al winaq rech ri Wokajil Ajchajil Tinamit ri’ xuquje’ pa taq nik’aj ja rech kunanik ri’, jeri’ pa taq le tijob’al chi ke ri kechakun ta chik, jeri’ chi ke rajchak ri japache’, jeri’ chi ke ri rajchak ri migración xuquje’ jeri’ chi ke ri rech tipografía nacional, chi ke taq e psicólogos xuquje’ e ajkun ri’ xuquje’ are tijob’en pa amaq’el tajin uya’ik chi ke pa taq le q’ijol ri’.

We jun ri’ are ri ukaj jachakunb’al rech kunanib’al ri’ che ketatb’en wi ri e ajn’ojkunanel ri’ chi rij kikunaxik ri taq ak’alab’ che e yowab’ ri’, pa reqale’nib’al ri ajkun Luis Moya.

“We chakuem ri’ are choman ruk’ ri Nimatijob’al rech San Carlos, jeri’ ruk’ ri Colegio rech e Ajkun ri’ xuquje’ jeri’ kuk’ ri e Ajno’jchakunel ri’ xuquje’ jeri’ ruk’ ri tijob’al rech Posgrado rech ri Facultad rech Reta’mab’alil Kunanem ri’, are wari’ uya’om jun nimkomonchak chi rij rech kab’an utz che kilik ri yowab’ pa le kikunaxik ri rajchak ri Ministerio rech Gobernación ri’ jeri’ pa taq uq’ab’ilal ri’”, xcha’ ri Zamora.

Eri ajkun Álvaro Franco nimk’amal b’e rech Educación Continua pa le uwokajil ri Ciencias rech ri Salud, rech ri Tijob’al rech Estudios rech Postgrado rech Ciencias Médicas rech ri Nimatijob’al rech San Carlos, xuya’ ub’ixik ri’ che are wari’ xchomaxik kaya’ ri’ jun nim retal k’uttijob’enik rech pa junab’ ri’ xuquje’ ri waqxaqib’ uwach ri’, ri kuya’ ri’ chi ke ri e ajkun rech kakiya’o uchuq’ab’ keta’mab’alil chi rij taq le b’anow kunanem pa taq le q’ij ri’.

COMPARTIR