Eri e ajtzukno’jchakunel rech ajchajin tinamit xkiq’atij jun k’aq’anik rumal ri barrrio 18

154

Jacha’ ruk’ ri chakunem b’anom kumal ri ajtzukno’jchakunel rech chajin tinamit, eri b’anow tzukno’jchak chi rij taq b’anow k’ax kamisanik xuquje’ ruk’ jun ub’eyal chak b’anom ri’ rech ya’olchajinik kumal eqa’lenelab’ rech ri Wokajil Ajchajil Tinamit (PNC) e k’o 8 chi b’anow k’ax k’aqanik kumal ri molaj b’anow k’ax kib’i’ “latin family” rech ri barrio 18 xq’atex kuwach ri’ kumal eqa’lenelab’ rech ajchajil tinamit xuquje’ kumal ri winaq che xb’an k’ax chi ke aretaq xetoq’ix che pwaqil ri’, eri nik’aj b’anol k’ax ri’ xb’antaj kowinem xechapataj pa le nimab’e kab’e pa Playa Orantes, zona 2, Villa Canales ri’.

Eri Pablo Castillo ajtzijolinel rech ri PNC, xuya’ ub’ixik che ri q’apoj alab’om alitom e b’enaq pa jun ch’ich’ utaretal P721FTF, uretal Mitsubishi, upetib’al Mirage, chajchoj rij, chupam k’ut xraqataj wi jo’ob’ k’aqb’alil, ri katajin kasolixik rech kilik we are e kojom pa taq b’anow k’aqanik ri’, xuquje’ chupam ri’ xraqataj wi nik’aj nojisab’al rech ruk’ nik’aj ub’aq utz kakojik, jeri’ xraqataj k’i taq ch’a’wb’alil ri’.
“Eri nik’aj xechapik e are ri’ Fernando Ariel Hernández Abrego, 20 ujunab’; a Mauricio Ernesto Martínez, 19 ujunab’; a Cristian Raúl Hernández Medina, 19 ujunab’; a Wilson Fernando Tuquer Castillo, 20 ujunab’ xuquje’ kuk’ e kajib’ q’apoj alab’om ri k’a te 16 xuquje’ 17 kjunab’. Eri tzukno’jchak xb’an chi kij xe’uq’alajisaj che e uwinaq ri jun molaj b’anol k’ax kib’i’ “latín family”, rech ri mara 18, “ xcha’ ri  Castillo ri’.

Xuquje’ eri atzijolinel ajchajin tinamit xuya’ ub’ixik che ri ch’ich’ ri’ che ri chupam e b’enaq wi nik’aj b’anol k’ax che ri xechapataj ri’ kab’ixik are ri’ eleq’am ri’ pa taq 9 rech enero rech pa we junab’ ri’, pa le  8ª. avenida xuquje’ 31 calle rech ri zona 8 ri’.

COMPARTIR