Eri e ajtzukunelab’ xkikoj jujun taq ub’anikil pa le kichapik winaq ri’

441

Are rech b’a’ xekowin che kichapik ri winaq ri’ we chanik eri Subdirección General rech Investigación Criminal rech ri Wokajil Ajchajil Tinamit (DGIC-PNC), k’o nik’aj tob’chakunik xkikoj pa le b’anow tzukunik pa le kichapik nik’aj uwinaq ri Clica Córner Gánster rech ri barrio 18 ri tajin b’anow elaq’ toq’inik pwaq xkib’an ri’ ruk’ kamisan winaq pa le zona 18 xuquje’ pa San Pedro Ayampuc, Palencia xuquje’ Mixco.

Eri b’anow tzukno’jchak are k’o xk’oji pa taq le k’otojtzij pa nab’e xuquje’ pa le ukab’ ri’), pa le usolixik kachib’al kaminaqib’ ri’, pa le esab’al kachib’al kaminaq, pa le uta’ik kiqul kich’ab’al kaminaqib’ ri’, pa le ub’anikil b’anow tzukbno’jchak, pa le ub’anikil ub’anik k’ax ri’, pa le ya’olchajinik xuquje’ uterenb’exik, pa le usolwachixik kich’akul kaminaqib’ pa taq ch’a’wb’alil, pa taq nik’aj chik ub’anikil ri’.

Eri e ajno’jinelab’ ri’ aretaq xoksaxik taq ub’anikil rech rilik ub’anik kamisanik ri’ are wari xilotal chi rij ri jun molaj b’anol k’ax ri’ pa taq le k’i k’ax xkib’an che kik’aslemal ri winaqil ri’:

E k’o keb’ winaq xekamisaxik jun chi ke xsakataj ri’, eri b’anow k’ax ri’ are xk’ulmataj pa le 21 rech mayo rech 2016, pa le 12 calle xuquje’ 24 avenida Boulevard San Rafael zona 18 ri’.

K’o jun winaq kaminaq chik xraqataj pa le 19 rech julio rech 2017 pa le Km. 21 pa nimab’e kab’e Palencia.

K’o jun chik winaq kaminaq chik xraqatajik pa le 2 rech agosto rech 2017, pa le manzana 12, Colonia Maya zona 18.

K’o jun winaq xsakataj ri’, pa le 14 rech agosto rech 2017, pa le Aldea La Laguneta, Chinautla.

K’o jun winaq kaminaq chik xraqatajik pa le nab’e q’ij rech octubre rech 2017, pa le Sector 2, Asentamiento El Cerrito, Colonia Paraíso II, zona 18.

E k’o nik’aj ak’alab’ e b’anol k’ax xechapatajik

Pa taq le chapib’al ri’ e k’o oxib’ e ak’alab’ na ri xechap ri’, konojel kab’ixik e uwinaq ri jun Clica Córner Gánster rech ri mara 18 ri’.

Eri nik’aj winaq che ri xechapik ri’ eri kimak kab’ixik are b’anow kamisanik, choman Itzel b’anow k’ax ruk’ b’iw b’anow kamisanik ri’.