Eri e k’aka’ winaq rech Mixco xuquje’ Quiché xkiya’ ub’ixik ri rajawaxik chi ke ri’

171

Are rech kakojik jun ya’talil kitatb’enik chi ke ri alab’om alitom ri’, eri Cáritas rech Iximulew xuquje’ ri Cáritas Norway, ketajin che ub’anik ri’ jun Foro ub’i’ “Ukojik ri tatb’enem rech ya’talil k’iyemal chi ke ri alab’om alitom ri’” ri k’o pa le cholchak kech alab’om alitom ri’ rech jun K’amow ib’ pa joremal ri’ xuquje’ rech uq’atexik b’anow k’ax ri’, rech b’a’ eri alab’om alitom rech Mixco xuquje’
Quiché kaketa’maj k’ut ri rajawaxik xuquje’ ri tijob’al chuq’ab’ k’o chi kuwach ri’, are wa’ xb’antaj pa le salón Municipal mixqueño ri’.

Pa le k’uttijonem ri’ xtatb’enik ri Ricardo Hernández, rech ri Urox viceministerio rech Q’atel b’anow k’ax ri’, xuquje’ ri ajch’ob’onel ub’i’  Cristian Castillo rech ri Universidad rech San Carlos.

Eri alab’om alitom ri’ xkiya’ ub’ixik che ya’talil chi ke kajib’ qas uwach ri’, are wari’: ri k’aslemanik, ri reta’maxik, ri tatb’enik xuquje’ ri uxulanik ri’.

Pa taq le tijob’al chuq’ab’ chak k’o chi kuwach ri’: Uq’atexik ki’okik kuk’ ri molaj b’anol k’ax, uq’atexik ki’okik kuk’ ri e ajk’ayin awan kunb’alil, uq’atexik b’anow k’ax ri’, uq’atexik kab’ik pa taq amaq’, uq’atexik meb’a’il xuquje’ b’anow k’ax pa taq achalalil ri’.

Rumal ri’ eri Hernández rech ri Urox Viceministerio ri’ xub’ij che e kita’ik ri alab’om alitom ri’ are kuya’o pa saq ri cholchak xuquje’ ri cholb’al chak ri k’o nim kupatanij pa le kak’iyemal ri alab’om alitom ri’.

Xuquje’ eri nan Ernestina Montenegro, unan ri ri Alcalte rech Mixco Neto Bran, sib’alaj xumaltyoxij ri tob’anik uya’om pa we ri’ ri Ministerio rech Gobernación rumal tajin katob’anik rech uq’atexik b’ano k’ax ri’ xuquje’ rech kak’oji jun utzalaj kik’aslemalil ri alab’om alitom ri’.

Pa taq le ub’ixik kumal ri alab’om alitom ri’ are rech kaya’ik pa saqilal jun nim uwokik uwach ri kub’sib’al k’u’x ya’b’al utzwachil ri’, kaya’tajik nik’aj chik eta’manik ri’, rech kaya’tajik utzalaj taq kib’anikil chak ri’, rech kaq’atexik b’anow k’ax ri’, rech ya’talil kitatb’enik pa le nim chomanik chakunik ri alab’om alitom ri’.

COMPARTIR