Eri Elizabeth are nab’e ixoq tz’apil pache’ xel loq pa le Japache’ Fraijanes I

158

Aretaq xok’ow ri jun suk’umanem ri’, eri Elizabeth are nab’e ixoq xel b’ik pa le japache’ rech suk’umanem ri’ kech Ixoqib’ ri’, pa Fraijanes I, ri k’o chuxe’ ub’anikil k’ak’ taqanem pa wokajil japache’ tz’apib’al ri’.
We jun Ub’anikil K’ak’ Taqanem pa Japache’ Tz’apib’al ri’ are kachakunik chi rij unimaxik ri ya’talil winaqil chi ke ri ixoqib’ e ajpache’ ri’ xuquje’ rech ketijox ixoqib’ ri’ aretaq pa no’jimal ke’al b’ik pa japache’ ri’, are rech ya’tal chakub’al pa kiq’ab’ rech kakiraq kechakunik aretaq keb’e pa taq kachoch pa katinamit ri’.

“Sib’alaj kinki’kotik in xuquje’ kinch’ob’ taj jas ri kinb’ano aretaq kintzalij chik pa wachoch kuk’ nuwinaq ri’, ruk’ jub’ik xib’al ib’ man rumal ta wa’ nipaqb’asam nupalaj ri’ man rumal ta ri’ ri k’ax nub’anom in, ri xintojotaj wumal in”, xcha’ ri Elizabeth ri’.

Pane’ b’a’ xa’ keb’oxib’ ik’ xink’oji pache’ xcha’ ri Elizabeth ri’, ri are xya’taj che rech k’o xutijoj rib’ che pa k’iyal taq uwach ri’ xuquje’ k’o ri’ no’jinik xya’taj che chi’, rech aretaq keb’e pa rachoch ri’ reta’m chik che k’o kakowin che upatanixik pa usaqilem ri’.

“Pa le q’ij ri’ xink’oji chi’ are k’o xinweta’maj in chi rij taq ri retal tijonik xya’taj chuwe xuquje’ are wari’ sib’alaj kimaltyoxij che ri Qajaw k’o Chikaj rumal xinutaq loq rech xinweta’maj ub’anikil pa le jun k’olib’em ri’”, xcha’.

Eri Elizabeth kub’ij eri xuk’aslemaj Pache’ Tz’apíb’al ri’ sib’alaj k’ax una’ik ri’ rumal k’amanaq taj chuwe in wa’ jun k’aslemalil ri’, rumal chi’ ronojel k’o uq’ij ri’ rech ka’itin jun, rech kusaqab’saj rib’ jun xuquje’ rech kusaqab’saj pa taq le japache’ ri’, rech kutijoj rib’ jun xuquje’ rech k’o nik’aj chik chak kub’an jun chi’, juntir ub’anikil ri’ are kuch’ob’o kuk’am uq’ab’il ri’ rech kuk’aslemaj pa le uk’aslemalil ri’ xuquje’ are kupixb’ej chi ke ri nik’aj chik ixoqib’ e k’o pache’ tz’apib’al ri’ rech kakinimaj ub’anik ri’.

“Eri kak’oji pache’ tz’apib’al ri’ are katob’anik rech kakik’ex kib’ pa kichomab’al kik’aslemal ri winaq ri’ rech e are ta chik ruk’ k’a maja’ ri’ ke’ok chi’, rech qas kakich’ob’ k’ut rilik jas kupatanij ri b’anow k’ax ri’, are wa’ k’o kupatanij rech kak’oji pa saq kichomab’al ri’”, xcha’ ri Elizabeth.

Eri K’amal b’e rech ri Cento Heidy Palma, xub’ij che sib’alaj ki’kotem rumal kurilo che ri nab’e ixoq’ xk’oji pache’ chi’ ke’l b’ik pa jun loq’ suk’umalil ri’.

“Are kaqeye’j rech k’o xupatanij wa’ pa uk’aslemal ri’, we kamik ronojel kamajtaj pa majun ub’anikil jacha’ tane’ ruk’ jun saq uxaqwuj ri’, rech chi’ xsach wi uwach juntir xuquje’ rech k’o uk’ak’il umajtajik chik ri’, pa amaq’el b’a’ kixnuna’taj ri’, rech kinterenb’ej jas ub’anik kinb’an che pa tinamit ri’. Qeta’m k’ut che pa tinamit sib’alaj k’ax uk’ulmatajik juntir ri’ rumal wari’ eri at xasuk’umaj b’a’ awib’ rech katok che rilik wari’ pa awachoch kuk’ awinaqil, rech katzukuj achak, rech k’o kapoq’saj uwach xuquje’ rech at utz k’utunel chi ke ri awachalal ri’”, xcha’ ri Palma.

Ri Elizabeth k’o k’awinaq ujunab’ ri are xuquje’ k’o jun tijob’en ib’ xuk’am pache’ ri’ rech ruk’ wari’ xe’uto’o ri rachalal ri k’o jun uchak kuk’ ri’ rech aretaq kumaj chik jun k’aslemalil kuk’ ri’.

“Sib’alaj maltyox che ri Qajaw Chikaj rumal ri are kinel b’ik waral, ri wachalal tajin in keye’m ri’, jeri’ taq wal, eri kinraq chik wib’ ruk’ ri wachalal ri’ are nimalaj ki’kotem ri’ kink’eqeb’ chik kuk’ ri’”, xcha’ ri Elizabeth aretaq xuk’is ub’ixik utzij ri’.

COMPARTIR